மணல் திருட்டை தடுக்காதது ஏன்.?! தமிழக அரசுக்கு உயர்நீதிமன்றம் சரமாரி கேள்வி.!

மணல் கடத்தலை தடுக்க தமிழக அரசால் முன்னெடுக்கப்பட்ட நடவடிக்கைகள் குறித்து பதில் அளிக்க மதுரை உயர்நீதிமன்றம் உத்தரவிட்டுள்ளது.  

ஆற்றுமணல் திருட்டு என்பது, சட்டங்கள் போட்டாலும், எத்தனை உத்தரவு போட்டாலும் , அதனை மீறுவோர்கள், சட்டவிரோதமாக மணல் கடத்தலில் ஈடுபடுவோர் ஈடுபட்டு கொண்டு தான் இருக்கிறார்கள்.

அதனை குறிப்பிட்டு இன்று மதுரை உயர்நீதிமன்ற கிளை பல்வேறு கேள்விகளை முன்வைத்தது. மணல் திருட்டை இன்னும் முழுதாக தடுக்காது ஏன்? பல்வேறு உத்தரவுகள் விதிக்கப்பட்டாலும் சட்டவிரோதமாக மணல் கடத்தல் நடந்து கொண்டுதான் இருக்கிறது, அது எப்படி என கேள்வி கேட்கப்பட்டது.

சட்டவிரோத மணல் கடத்தல் தடுப்பது தொடர்பாக என்னென்ன நடவடிக்கை எடுக்கப்பட்டுள்ளது என மதுரை உயர்நீதிமன்ற கிளை, தமிழக அரசு பதில் அளிக்க உத்தரவிட்டுள்ளது.