இந்துக்களின் உரிமையை மீட்ட திராவிட இயக்கம்.. இந்துக்களுக்கு எதிரியா.?! எம்.பி ஆ.ராசா கேள்வி.!

90 சதவீதம் இந்துகளின் உரிமைகளை மீட்ட திராவிட இயக்கம் எப்படி இந்துக்களுக்கு எதிரியாகும். திமுக எம்.பி ஆ.ராசா விளக்கம் அளித்துள்ளார். 

அண்மையில் திமுக சார்பில் நாமக்கல்லில் நடைபெற்ற பொதுக்கூட்டத்தில் பேசிய திமுக எம்.பி ஆ.ராசா சூத்திரர்கள், இந்துக்கள் பற்றி கருத்துக்களை பேசி இருந்தார். இந்த விடியோவை பாஜக தமிழக தலைவர் அண்ணாமலை பகிர்ந்து இருந்தார்.

இது அரசியல் வட்டாரத்தில் மிக பெரிய பேசுபொருளாக மாறியது. இந்துக்கள் பற்றி தவறாக பேசுகிறார் என கூட்டணி கட்சியினரே விமர்சிக்கும் வண்ணம் தான் ஆ.ராசா பேசியிருந்தார்.

அப்படி இருக்க தற்போது அதற்கு விளக்கம் கொடுக்கும் விதமாக தனது கருத்தை வெளியிட்டு உள்ளார். அதில், ‘ சூத்திரரர்கள் யார் அவர்கள் இந்துக்கள் இல்லையா? மனுஷ்மிருதி உள்ளிட்ட நூல்களில் ஏன் இழிவுபடுத்தப்பட்டு, கல்வி, வேலைவாய்ப்பு, கோவில் நுழைவு மறுக்கப்பட்டது ஏன்?

அரசியல் அதிகாரத்தாலும், பரப்புரையாலும், 90 சதவீதம் இந்துகளின் இவ்வுரிமைகளை மீட்ட திராவிட இயக்கம் எப்படி இந்துக்களுக்கு எதிரியாகும்.