#AsiaCup2022: ஆசியக் கோப்பை அட்டவணை வெளியீடு.! ஆக.28 இந்தியா-பாகிஸ்தான் மோதல்!

ஆசிய கோப்பை கிரிக்கெட் தொடருக்கான போட்டி அட்டவணை வெளியானது.

2022 ஆசிய கோப்பை கிரிக்கெட் தொடருக்கான போட்டியின் முழு அட்டவணை வெளியிடப்பட்டுள்ளது. ஆசிய கோப்பை கிரிக்கெட் தொடர் துபாய், ஷார்ஜாவில் ஆகஸ்ட் 27-ல் தொடங்கி, செப்டம்பர் 11-ஆம் தேதி வரை போட்டிகள் நடைபெறுகின்றன. ஆசிய கோப்பை கிரிக்கெட் தொடரில் இந்தியாவும், பாகிஸ்தானும் ஒரே குழுவில் இடம் பெற்றுள்ளன.

ஆகஸ்ட் 27-ம் தேதி துபாயில் நடைபெறும் போட்டியின் தொடக்க ஆட்டத்தில் இலங்கை, ஆப்கானிஸ்தானை எதிர்கொள்கிறது. ஆகஸ்ட் 28-ம் தேதி மாலை 6 மணிக்கு துபாயில் மிகவும் எதிர்பார்க்கப்படும் இந்தியா – பாகிஸ்தான் அணிகள் மோதுகின்றன. மேலும், ஆசிய கோப்பை தொடரின் இறுதிப் போட்டி செப்டம்பர் 11ஆம் தேதி நடைபெறும் என அறிவிக்கப்பட்டுள்ளது.