காமன்வெல்த் 2022 : அரை இறுதிக்குள் நுழைந்தது இந்திய பெண்கள் ஹாக்கி அணி.!

by மணிகண்டன்Posted on August 3, 2022

காமன்வெல்த் போட்டியில் இந்திய பெண்கள் ஹாக்கி அணி அரையிறுதிக்கு முன்னேறி உள்ளது.

இங்கிலாந்தில் நடைபெற்று வரும் காமன்வெல்த் போட்டியில் இந்திய தடகள வீரர்கள், வீராங்கனைகள் பதக்கங்களை வென்று வருகின்றனர்.

இதுவரை இந்தியாவுக்கு 5 தங்கம், 5 வெள்ளி, 4 வெண்கலம் உட்பட 14 பதக்கங்களை இந்தியாவுக்காக வென்று கொடுத்துள்ளனர்.

இதில் இந்திய பெண்கள் ஹாக்கி அணியினர், குரூப் பி பிரிவில் இன்று கனடாவை வீழ்த்தி 4 போட்டிகளில் 3இல் வெற்றி என 2ஆம் இடம் பிடித்து, அரையிறுதிக்கு முன்னேறி உள்ளனர்.

இதன் மூலம் அடுத்து அரையிறுதியில் வெற்றி பெற்றால் நிச்சயம் இந்தியாவுக்கு பதக்க வாய்ப்பு உறுதியாகிவிடும் என்பது குறிப்பிடத்தக்கது.