தற்கொலைக்கு முயன்ற கல்லூரி மாணவி – மேல் சிகிச்சைக்காக சென்னைக்கு அனுப்பிவைப்பு..!

தற்கொலைக்கு முயன்ற கல்லூரி மாணவி மேல் சிகிச்சைக்காக சென்னைக்கு அனுப்பி வைக்கப்பட்டுள்ளார். 

விழுப்புரம் அருகே உள்ள விக்கிரவாண்டியில் தனியார் பொறியியல் கல்லூரி என்று செயல்பட்டு வருகிறது. இந்த கல்லூரியில் ரம்யா என்ற மாணவி இளங்கலை மருந்தகவியல் முதலாம் ஆண்டு படித்து வந்துள்ளார்.

நேற்று வழக்கம்போல் கல்லூரிக்கு வந்த நிலையில் திடீரென்று கல்லூரி முதல் மாடியிலிருந்து கீழே குதித்து தற்கொலை செய்ய முயற்சி  செய்துள்ளார்.

கல்லூரியில் இருந்தவர்கள் உடனடியாக அவரை மீட்டு முண்டியம்பாக்கம் அரசு மருத்துவமனை மருத்துவக் கல்லூரி சிகிச்சைக்காக அனுமதித்துள்ளனர். அங்கு மாணவிக்கு தீவிர சிகிச்சை அளிக்கப்பட்டு வருகிறது.

இந்த நிலையில், விழுப்புரம் கல்லூரி மாணவி தற்கொலை முயற்சி விவகாரத்தில் 2 தனிப்படைகள் அமைக்கப்பட்டு விசாரணை மேற்கொள்ளப்பட்டு வருகிறது. இந்த நிலையில், மாணவி குடும்ப சூழல் காரணமாக தற்கொலைக்கு முயன்றதாக காவல்துறை தரப்பில் தகவல் வெளியாகியுள்ளது.

இந்த நிலையில், தற்கொலைக்கு முயன்ற கல்லூரி மாணவி, முண்டியம்பாக்கம் மருத்துவமனையிலிருந்து மேல் சிகிச்சைக்காக சென்னைக்கு அனுப்பிவைக்கப்பட்டுள்ளார்.