‘நீதிமன்றத்தில் பதில் தேடுவேன்’- தனது மகள் ‘சட்டவிரோத பார்’ நடத்துவதாக காங். குற்றச்சாட்டுக்கு ஸ்மிருதி இரானி பதில்!

கோவாவில் தனது மகள் “சட்டவிரோத பார்” நடத்துவதாகக் குற்றம் சாட்டி, இரானியை அமைச்சர் பதவியிலிருந்து பிரதமர் நரேந்திர மோடி நீக்க வேண்டும் என்று காங்கிரஸ் கோரியதை அடுத்து, மத்திய அமைச்சர் ஸ்மிருதி இரானி, சட்டவிரோத மதுக்கடை விவகாரம் தொடர்பாக காங்கிரஸ் கட்சியை கடுமையாக சாடியதோடு, தனது மகளின் குணாதிசயங்கள் பற்றி அவதூறு பரப்பியதாக கூறினார்.

இந்திய கஜானா ரூ. 5,000 கோடி கொள்ளையடிக்கப்பட்டது குறித்து சோனியா காந்தி மற்றும் ராகுல் காந்தியிடம் செய்தியாளர் சந்திப்பு நடத்தி கேள்வி கேட்கும் துணிச்சல் எனக்கு இருந்தது.” அச்சம்பவத்தில் எனது நிலைப்பாட்டின் காரணமாக என் மகள் குறிவைக்கப்பட்டார். “நீதிமன்றத்திலும், மக்கள் நீதிமன்றத்திலும்” பதில் தேடுவேன் என்று பாஜக தலைவர் கூறினார்.

“எனது குழந்தைக்கு எதிராக இந்த செய்தியாளர் சந்திப்பை நடத்த வேண்டும் என்று கூறிய காந்தி குடும்பத்திடம், 2024 ஆம் ஆண்டு மக்களவைத் தேர்தலில் அமேதியில் போட்டியிட ராகுல் காந்தியை திருப்பி அனுப்புங்கள், அவர் மீண்டும் தோல்வியடைவார். இது பாஜக தொண்டர் என்ற முறையிலும், ஒரு தாயாகவும் எனது வாக்குறுதியாகும்” என்று அவர் கூறினார்.