3 லட்சத்துக்கும் மேற்பட்ட இந்தியர்கள் குடியுரிமையை துறந்தனர் !

மக்களவையில் நேற்று உள்துறை அமைச்சகம் (MHA) வழங்கிய தகவலின்படி, கடந்த மூன்று ஆண்டுகளில் 3.92 லட்சத்துக்கும் அதிகமான இந்தியர்கள் குடியுரிமையை கைவிட்டனர்.

2021 ஆம் ஆண்டில் 1.6 லட்சத்திற்கும் அதிகமான இந்தியர்கள் தங்கள் இந்திய குடியுரிமையைத் துறந்துள்ளனர். கடந்த ஐந்தாண்டுகளில் குடியுரிமையை துறந்தவர்களின் எண்ணிக்கை அதிகமாக உள்ளது. இவர்களில் 78,000 க்கும் மேற்பட்ட இந்தியர்கள் அமெரிக்க குடியுரிமையைப் பெற்றுள்ளனர்.

இந்தியா, வேறு சில நாடுகளைப் போலல்லாமல், இரட்டைக் குடியுரிமையை அனுமதிப்பதில்லை – மேலும் வெளிநாட்டு குடியுரிமையைப் பெறும் அனைத்து இந்திய மக்களும் சட்டப்பூர்வமாக இந்தியக் குடியுரிமையைத் துறக்க வேண்டும்.

இந்தச் சட்டம் எப்போதும் நடைமுறைப்படுத்தப்படுவதில்லை என்றாலும், வெளிநாடுகளில் குடியுரிமை பெறும் பெரும்பாலான இந்தியர்கள் தானாக முன்வந்து விண்ணப்பிக்கின்றனர் என்று உள்துறை அமைச்சகத்தின் அதிகாரி ஒருவர் தெரிவித்தார்.

நேற்று மக்களவையில் பகுஜன் சமாஜ் கட்சி உறுப்பினர் ஹாஜி ஃபஸ்லுர் ரஹ்மானின் இந்திய குடியுரிமையைத் துறந்து வெளிநாட்டிற்கு குடிபெயர்ந்தவர்களின் எண்ணிக்கை குறித்த கேள்விக்கு பதிலளித்த உள்துறை இணை அமைச்சர் நித்யானந்த் ராய், இந்திய குடியுரிமையை கைவிட அதிக எண்ணிக்கையிலான விண்ணப்பங்கள் அமெரிக்காவில் இருந்து 78,284, ஆஸ்திரேலியா – 23,533, கனடா – 21,597, இங்கிலாந்து – 14,637, இத்தாலி – 5,986 நியூசிலாந்து – 2,643 மற்றும் சிங்கப்பூர் – 2,516 ஆகிய இடங்களில் இந்தியர்கள் குடியுரிமை பெற விரும்பினர். “தனிநபர்கள் தனிப்பட்ட காரணங்களுக்காக இந்திய குடியுரிமையை துறந்தனர்” என்று எழுத்துப்பூர்வமாக பதிலளித்தார்.

கிட்டத்தட்ட பாதி இந்தியர்கள் 78,284 பேர் அமெரிக்க குடிமக்களாக மாற விரும்புவதால், அமெரிக்கா தான் முதன்மையான தேர்வாக உள்ளது என்பதை வெளிப்படுத்தியது. அமெரிக்க குடியுரிமையைப் பொறுத்தவரை, 2021ல் 78,284 இந்தியர்களும், 2020ல் 30,828 பேரும், 2019ல் 61,683 பேரும் அமெரிக்கக் குடியுரிமையைப் பெற்றுள்ளனர்.

2021 ஆம் ஆண்டில் அமைச்சகம் அளித்த பதிலில், குடியுரிமையை விட்டுக்கொடுத்த இந்தியர்களின் எண்ணிக்கை 2017ல் – 1,33,049, 2018ல் – 1,34,561, 2019ல் – 1,44,017 மற்றும் 2020 ஆம் ஆண்டு 85,248 ஆக இருந்தது.

குடியுரிமையை துறந்த ஆஸ்திரேலியாவில் வசிக்கும் இந்தியர்களின் எண்ணிக்கை 23,533, கனடா- 21,597, இங்கிலாந்து-14,637, இத்தாலி-5,986, நெதர்லாந்து- 2187, நியூசிலாந்து- 2643, சிங்கப்பூர்- 2516, பாகிஸ்தான்- 2516, பாகிஸ்தான்- 782, சீனா- 362 என்று தகவல் தெரிவிக்கப்பட்டது.