பாஜகவில் இணைந்தார் பஞ்சாப் காங்கிரஸ் முன்னாள் தலைவர்!

பஞ்சாப் மாநிலத்தின் காங்கிரஸ் கமிட்டியின் தலைவர் சுனில் ஜாகர் பாஜகவில் இணைந்தார்.

காங்கிரஸ் மூத்த தலைவரும், பஞ்சாப் மாநிலத்தின் காங்கிரஸ் கமிட்டியின் (பிபிசிசி) முன்னாள் தலைவருமான சுனில் ஜாகர் இன்று டெல்லியில் கட்சியின் தேசிய தலைவர் ஜேபி நட்டா முன்னிலையில் பாஜகவில் இணைந்தார். கடந்த சனிக்கிழமை பேஸ்புக் நேரடி ஒளிபரப்பின் போது, சுனில் ஜாகர் காங்கிரஸ் கட்சியில் இருந்து விலகுவதாக அறிவித்திருந்தார்.

பஞ்சாப் முன்னாள் முதல்வர் சரண்ஜித் சிங் சன்னியை விமர்சித்ததற்காக கட்சித் தலைமை அவருக்கு நோட்டீஸ் வழங்கியிருந்த சில வாரங்களிலேயே சுனில் ஜாகர் அக்கட்சியில் இருந்து விலகினார். இந்த நிலையில் காங்கிரஸில் இருந்து விலகிய சுனில் ஜாகர், பாஜக தஸ்ய தலைவர் முன்னிலையில் அக்கட்சியில் இணைந்தார்.