திமுக செயல் தலைவர் மு.க.ஸ்டாலின் கட்சியை வலுப்படுத்துவது குறித்து மாநில மகளிர் அணி நிர்வாகிகளுடன் ஆலோசனை!

திமுக செயல் தலைவர் மு.க.ஸ்டாலின்,கட்சியை வலுப்படுத்துவது குறித்து மாநில மகளிர் அணி நிர்வாகிகளுடன்  ஆலோசனை நடத்தினார்.

கட்சியை பலப்படுத்தவும், அடுத்த சட்டமன்றத் தேர்தலை எதிர்கொள்வது குறித்தும் மாவட்டம், ஒன்றியம், நகரம், வட்டம் ஆகிய மட்டங்களில் இயங்கிவரும் கட்சி நிர்வாகிகளுடன் கடந்த 2 மாதங்களாக ஆய்வு கூட்டம் நடத்தி, மு.க.ஸ்டாலின் ஆலோசித்து வருகிறார். இதைத் தொடர்ந்து, இன்று சென்னை அண்ணா அறிவாலயத்தில், திமுக மகளிர் அணி நிர்வாகிகளுடன் மு.க.ஸ்டாலின் ஆலோசனை நடத்தினார். இந்த கூட்டத்தில் திமுக மாநிலங்களவை உறுப்பினர் கனிமொழி உள்பட ஏராளமான மாநில மகளிர் அணி நிர்வாகிகள் பலர் பங்கேற்றனர். இதைத் தொடர்ந்து திமுக சிறுபான்மை பிரிவு மற்றும் பொறியாளர் அணியுடனும் ஆலோசனை நடத்த உள்ளதாக கூறப்படுகிறது.

முன்னதாக, கோபாலபுரம் இல்லத்துக்குச் சென்ற மு.க.ஸ்டாலின், அன்னையர் தினத்தை முன்னிட்டு, தாயார் தயாளு அம்மாளுக்கு புடவையை பரிசளித்து, ஆசி பெற்றார். மேலும் தாயார் தயாளு அம்மாளுடன் மு.க.ஸ்டாலின் செல்ஃபியும் எடுத்துக் கொண்டார்.

மேலும் செய்திகளுக்கு தினச்சுவடுடன் இணைந்திருங்கள்.