#IPL2022: 5 விக்கெட்களை வீழ்த்தி அசத்திய பும்ரா.. மும்பை அணிக்கு 165 ரன்கள் இலக்கு!

மும்பை அணிக்கு எதிரான போட்டியில் முதலில் பேட்டிங் செய்த கொல்கத்தா அணி, 20 ஓவர்கள் முடிவில் 9 விக்கெட் இழப்பிற்கு 165 ரன்கள் எடுத்தது. 166 ரன்கள் எடுத்தால் வெற்றி என்ற இலக்குடன் தற்பொழுது மும்பை அணி பேட்டிங் செய்து வருகிறது.

ஐபிஎல் தொடர் விறுவிறுப்பாக நடைபெற்று வரும் நிலையில், இன்று நடைபெற்று வரும் 56-வது போட்டியில் மும்பை இந்தியன்ஸ் – கொல்கத்தா நைட் ரைடர்ஸ் அணிகள் மோதியது. DY பட்டில் மைதானத்தில் தொடங்கிய இந்த போட்டியில் டோஸ் வென்ற மும்பை அணி பந்துவீச்சை தேர்வு செய்ய, கொல்கத்தா அணியின் தொடக்க ஆட்டக்காரர்களாக வெங்கடேஷ் ஐயர் – ரஹானே களமிறங்கினார்கள். இவர்களின் கூட்டணி, கொல்கத்தா அணிக்கு அதிரடி தொடக்கத்தை கொடுத்தது.

இதில் 43 ரன்கள் எடுத்து வெங்கடேஷ் ஐயர் தனது விக்கெட்டை இழக்க, நிதிஷ் ராணா களமிறங்கினார். அவரும் அதிரடியாக ஆட, மறுமுனையில் இருந்த ரஹானே 25 ரன்கள் எடுத்து தனது விக்கெட்டை இழந்தார். அவரைதொடர்ந்து களமிறங்கிய ஸ்ரேயாஸ் ஐயர் 6 ரன்கள் எடுத்தும் ரசல் 9 ரன்கள் எடுத்தும் தனது விக்கெட்டை இழக்க, பின்னர் ரிங்கு சிங் களமிறங்கி 23 ரன்கள் எடுத்தார். அதனைதொடர்ந்து களமிறங்கிய அனைவரும் டக் அவுட் ஆகி வெளியேறினார்கள்.

இறுதியாக கொல்கத்தா அணி, 20 ஓவர்கள் முடிவில் 9 விக்கெட் இழப்பிற்கு 165 ரன்கள் எடுத்தது. 166 ரன்கள் எடுத்தால் வெற்றி என்ற இலக்குடன் தற்பொழுது மும்பை அணி பேட்டிங் செய்து வருகிறது. இதில் சிறப்பாக பந்துவீசிய பும்ரா, 10 ரன்கள் மட்டுமே கொடுத்து 5 விக்கெட்களை வீழ்த்தி அசத்தினார்.