#LICIPO:இன்று முதல் எல்ஐசி பங்குகள் விற்பனை – ரூ.21 ஆயிரம் கோடி நிதி திரட்ட மத்திய அரசு திட்டம்!

இன்று முதல் (மே 4-ம் தேதி) எல்.ஐ.சி-யின் பொது பங்கு விற்பனை தொடங்கவுள்ளது.

நாட்டின் மிகப்பெரிய பொதுத்துறை நிறுவனமான எல்.ஐ.சி-யின் பங்குகளை, பங்குச் சந்தைகளில் விற்க முடிவு செய்திருப்பதாக மத்திய நிதி அமைச்சர் நிர்மலா சீதாராமன் மத்திய பட்ஜெட்டில் அறிவித்திருந்தார். எல்ஐசி நிறுவனத்தில் மத்திய அரசின் பங்குகளில் 5%  பங்குகளை ஐபிஓ மூலம் விற்பனை செய்ய முடிவு செய்யப்பட்ட நிலையில், அதற்கான வரைவு திட்ட அறிக்கையை எல்ஐசி நிறுவனம் கடந்த பிப்.12-ஆம் தேதி தாக்கல் செய்திருந்தது.காப்பீட்டு நிறுவனத்தின் 5 % பங்குகளை or 31.6 கோடி பங்குகளை மத்திய அரசு விற்கும் என்று கூறியிருந்தது.

லைஃப் இன்சூரன்ஸ் கார்ப்பரேஷன் ஆஃப் இந்தியாவின் (LIC) மெகா ஆரம்ப பொது பங்கு வெளியீடு மே 4 முதல் மே 9 நடைபெறும் என தகவல் வெளியாகியிருந்தது.அதன்படி,எல்ஐசியின் 3.5% பங்குகளை ஆரம்பப் பொதுப் பங்கு வழங்கல் மூலம் மத்திய அரசு விற்பனை செய்ய வாய்ப்பு இருப்பதாக கூறப்பட்டது.இதன்மூலம், ரூ.21 ஆயிரம் கோடி நிதி திரட்டவும் மத்திய அரசு முடிவு செய்திருந்தது.

இந்த நிலையில்,ஆயுள் காப்பீட்டுக் கழகத்தின் (எல்ஐசி) பங்குகள் விற்பனை ஐபிஓ வாயிலாக இன்று முதல் (மே 4-ஆம் தேதி) திறக்கப்பட்டு, மே 9-ஆம் தேதி முடிவடையும் என்று எல்ஐசி நிறுவனம் தெரிவித்துள்ளது. அந்த வகையில்,பொதுமக்கள்,பாலிசிதாரர்கள்,எல்ஐசி ஊழியர்களுக்கான பங்கு விற்பனை இன்று தொடங்கவுள்ளது.

அதன்படி,இன்று முதல் வெளியிடப்பட உள்ள எல்.ஐ.சி-யின் பொது பங்கு ஒன்றின் விலை ரூ.902 – ரூ.949 ஆக நிர்ணயம் செய்யப்பட்டுள்ளது. பாலிசிதாரர்களுக்கு ரூ.60 தள்ளுபடி மற்றும் சில்லறை முதலீட்டாளர்கள் மற்றும் ஊழியர்களுக்கு ரூ.45 தள்ளுபடியுடன், பங்கு ஒன்றின் விலை ரூ.902-ரூ.949 ஆக இருக்கும் என கூறப்பட்டுள்ளது.குறிப்பாக,ஒரு ஒதுக்கீட்டில் 16 பங்குகள் இருக்கும் எனவும்,அதிகபட்சமாக ஒருவர் 14 ஒதுக்கீடுகள் வரை விண்ணப்பிக்கலாம் என்றும் தெரிவிக்கப்பட்டுள்ளது.

மே 9 வரை எல்.ஐ.சி-யின் 3.5% பங்குகளை,பொதுப்பங்கு (ஐபிஓ) வழியாக விற்று ரூ.21 ஆயிரம் கோடி திரட்ட மத்திய அரசு திட்டமிடப்பட்டுள்ளது. இதனிடையே,கடந்த திங்கட்கிழமை பெரிய முதலீட்டாளர்களுக்கான விண்ணப்பங்கள் பெறப்பட்ட நிலையில்,இரு நாட்களில் மட்டும் ரூ.5620 கோடிக்கு பங்குகளை வாங்க பெரிய முதலீட்டாளர்கள் விண்ணப்பித்துள்ளனர்.