#NewCabinet:அமைச்சரான நடிகை ரோஜா – பதவிப்பிரமாணம் செய்து வைத்த ஆளுநர்!

ஆந்திர மாநிலத்தில் கடந்த 2019 ஆம் ஆண்டு முதல்வர் ஜெகன் மோகன் ரெட்டி தலைமையில் ஒய்.எஸ்.ஆர். காங்கிரஸ் கட்சி ஆட்சி அமைத்தது.அப்போது,இரண்டரை ஆண்டுகளில் அமைச்சரவை மாற்றம் செய்யப்படும் என்று ஆந்திரா முதல்வர் ஜெகன்மோகன் ரெட்டி அறிவித்திருந்தார்.இதனைத் தொடர்ந்து,அண்மையில் அமைச்சர்கள் சிலர் ராஜினாமா செய்தனர்.

இந்நிலையில்,ஆந்திராவில் முதல்வர் ஜெகன் மோகன் ரெட்டி தலைமையில் நடிகை ரோஜா உட்பட  25 அமைச்சர்கள் பதவியேற்றனர்.மாநில தலைநகர் அமராவதியில் உள்ள மாநில செயலகம் அருகே நடைபெற்ற பொது நிகழ்ச்சியில்,கவர்னர் பிஸ்வ பூசன் ஹரிசந்தன், 25 அமைச்சரவை உறுப்பினர்களுக்கு பதவிப் பிரமாணமும், ரகசிய காப்பு பிரமாணமும் செய்து வைத்தார்.

புதிதாக அமைக்கப்பட்ட அமைச்சரவையில் மூத்த மற்றும் அனுபவம் வாய்ந்தவர்கள் மற்றும் மாநிலத்தில் சமநிலையான நிர்வாகத்திற்கான புதிய மற்றும் இளம் முகங்கள் இடம் பெற்றுள்ளனர்.

Andhra Pradesh | Swearing-in ceremony of new cabinet ministers underway at Amaravati pic.twitter.com/kEIUVmq4NY

— ANI (@ANI) April 11, 2022