ஆரம்பிக்கலாமா…விக்ரம் ரிலீஸ் தேதி இதோ – கமல்ஹாசன் அறிவிப்பு!

நடிகர் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகியுள்ள திரைப்படம் “விக்ரம்”. இந்த திரைப்படத்தில் விஜய் சேதுபதி மற்றும் பகத் பாசில் முக்கிய கதாபாத்திரத்தில் நடிக்கின்றார்கள். ராஜ்கமல் பிலிம்ஸ் இண்டர்நேஷனல் நிறுவனம் தயாரிக்கிறது. படத்திற்கு இசையமைப்பாளர் அனிருத் இசையமைத்துள்ளார்.

ஆக்சன் கலந்த அதிரடி திரைப்படமாக உருவாகியுள்ள இப்படத்தின் படப்பிடிப்பு முடிவடைந்து வெளியாவதற்கு தயாராகவுள்ளது.ஏற்கனவே படத்திலிருந்து வெளியான டீசர் மற்றும் க்ளான்ஸ் ரசிகர்களுக்கு மத்தியில் நல்ல வரவேற்ப்பை பெற்றுள்ளது.அடுத்ததாக படத்தின் ட்ரைலருக்காக ரசிகர்கள் காத்துள்ளனர்.

இதனையடுத்து,விக்ரம் திரைப்படம் தியேட்டர்களில் வெளியாகும் தேதியை  மார்ச் 14 – ஆம் தேதி காலை 7 மணிக்கு அறிவிக்கப்படவுள்ளது என படக்குழு ஏற்கனவே அறிவித்திருந்தது.இதனால் ரசிகர்கள் அனைவரும் மிகவும் எதிர்பார்ப்புடன் காத்துள்ளார்கள்.

இந்நிலையில்,விக்ரம் திரைப்படம் ஜூன் 3 ஆம் தேதி முதல் திரையரங்குகளில் வெளியாகும் என நடிகர் கமல்ஹாசன் அதிகாரப்பூர்வமாக அறிவித்துள்ளார்.

இது தொடர்பாக,தனது ட்விட்டர் பக்கத்தில் அவர் கூறியதாவது:

“நானும் உங்கள் முன் சமர்ப்பிக்க ஆவலாய் காத்திருக்கும் “விக்ரம்” உலகின் சிறந்த திரை அரங்குகளில் ஜூன் 3ஆம் தேதி முதல்” என்று தெரிவித்துள்ளார்.

I am waiting with bated breath for our “Vikram” to release world over, in theatres on June 3rd 2022.#VikramFromJune3

நானும் உங்கள் முன் சமர்ப்பிக்க ஆவலாய் காத்திருக்கும் “விக்ரம்” உலகின் சிறந்த திரை அரங்குகளில் ஜூன் 3ஆம் தேதி முதல்.https://t.co/1rDp6ro9yz

— Kamal Haasan (@ikamalhaasan) March 14, 2022

மேலும்,படத்தின் Making Glimpse-ஐ கமல்ஹாசன் பகிர்ந்துள்ளார்.