வீடுகள் அனைத்தும் குடும்பத் தலைவிகளின் பெயரிலேயே வழங்கப்படும் – முதல்வர் மு.க.ஸ்டாலின்

சென்னை அண்ணா அறிவாலயத்தில் மகளிர் தின நிகழ்ச்சி நடைபெற்றது. இந்த நிகழ்ச்சியில், திமுக மகளிர் அணியின் இணையத்தளத்தை தமிழக முதல்வர் மு.க.ஸ்டாலின் தொடங்கி வைத்தார்.

அதனை தொடர்ந்து அந்நிகழ்ச்சியில் பேசிய முதல்வர் மு.க.ஸ்டாலின், உள்ளாட்சி அமைப்புகளில் 50 சதவீதத்திற்கும் அதிகமான பெண்கள் பொறுப்பேற்றுள்ளனர். உள்ளாட்சித் தேர்தலில் வெற்றி பெற்ற சகோதரிகளுக்கு எனது வாழ்த்துக்கள். தமிழ்நாடு நகர்ப்புற வாழ்விட மேம்பாட்டு வாரியத்தின் சார்பில் ஒதுக்கீடு செய்யப்படும் வீடுகள் இனி குடும்பத் தலைவிகள் பெயரில்தான் வழங்கப்படும் என தெரிவித்துள்ளார்.

மேலும், தமிழ்நாட்டில் கல்வியில் ஆண்களை விட பெண்களே சிறந்து விளங்குகின்றனர். பெண்களுக்கு சொத்தில் சம உரிமையை வழங்கியது திமுக ஆட்சிதான். அரசு வேலைகளில் பெண்களுக்கான இட ஒதுக்கீட்டை 40 சதவீதமாக உயர்த்தியுள்ளோம் என தெரிவித்துள்ளார்.