தமிழக மாணவர்களை விரைந்து மீட்க வேண்டும் – அமைச்சர் ஜெய்சங்கரிடம் முதல்வர் மு.க.ஸ்டாலின் பேச்சு..!

உக்ரைனில் சிக்கியுள்ள தமிழக மாணவர்களை விரைந்து மீட்க வேண்டும் என தமிழக முதல்வர் மு.க.ஸ்டாலின் அவர்கள், மத்திய வெளியுறவு துறை அமைச்சர் ஜெய்சங்கரை தொலைபேசி மூலம் தொடர்பு கொண்டு பேசியுள்ளார். 

உக்ரைன் மீது ரஷ்யா ராணுவம்  கடந்த 5 ஆவது நாளாக தாக்குதல் நடத்தி வருகிறது. ரஷ்ய  படைகள் உக்ரைனில்  சில நகரங்களை கைப்பற்றியுள்ளது. இதற்கிடையில், 1 லட்சத்திற்கும் மேற்பட்ட உக்ரைன் மக்கள் அண்டை நாடுகளுக்குத் தஞ்சம் புகுந்து வருகின்றனர்.  மேலும், உக்ரைனில் உள்ள இந்தியர்களை மீட்கும் நடவடிக்கைகளை மத்திய அரசு மேற்கொண்டு வருகிறது.

இந்த நிலையில், தமிழக முதல்வர் மு.க.ஸ்டாலின் அவர்கள், மத்திய வெளியுறவு துறை அமைச்சர் ஜெய்சங்கரை தொலைபேசி மூலம் தொடர்பு கொண்டு, உக்ரைனில் சிக்கியுள்ள தமிழக மாணவர்களை மீட்க விரைந்து நடவடிக்கை எடுக்க வேண்டும் என்றும், தமிழக மாணவர்களுக்கு உணவு, இருப்பிடம், பாதுகாப்பு போன்றவற்றை உறுதி செய்ய வேண்டும் என்றும் ,வலியுறுத்தி உள்ள நிலையில் தமிழக மாணவர்களை மீட்க தனி அலுவலரை நியமிக்க வேண்டும் என்றும் கோரிக்கை விடுத்துள்ளார்.