ரஷ்ய அணு ஆயுதப்படைக்கு புதிய உத்தரவு பிறப்பித்த ரஷ்ய அதிபர்..!

ரஷ்ய அதிபர் புடின் ரஷ்யாவின் அணு ஆயுத தடுப்பு படையினர் உச்சகட்ட தயார் நிலையில் இருக்குமாறு உத்தரவு பிறப்பித்துள்ளார்.

உக்ரைன் மீது தொடர்ந்து நான்காவது நாளாக தரைப்படை,பீரங்கி டாங்கிகள் கொண்டு ரஷ்யா தாக்குதல் நடத்தி வருகிறது. முன்னதாக தலைநகர் கீவ்-வை கைப்பற்ற ரஷ்யா ராணுவ படைகள் தாக்குதல் ஈடுபட்டு வந்த நிலையில் உக்ரைனின் தெற்கு மற்றும் தென் கிழக்கு பகுதியில் உள்ள இரண்டு முக்கிய நகரங்களை கைப்பற்றியதாக ரஷ்யா அறிவித்தது.

மேலும், உக்ரைனின் அதிக மக்கள் தொகை கொண்ட 2-வது பெரிய நகரமான கார்கிவ் பகுதிக்குள் தாக்குதல் நடத்தி அந்நகரத்தையும் கைப்பற்றியுள்ளதாக கூறப்பட்டது. இந்த நிலையில், ரஷ்ய அதிபர் புடின் ரஷ்யாவின் அணு ஆயுத தடுப்பு படையினர் உச்சகட்ட தயார் நிலையில் இருக்குமாறு உத்தரவு பிறப்பித்துள்ளார். ரஷ்ய பாதுகாப்புத்துறை உயரதிகாரிகள் மற்றும் இராணுவத்துறை தளபதியுடனான ஆலோசனையின் போது இந்த உத்தரவை பிறப்பித்துள்ளார்.