உக்ரைனுக்கு உதவிக்கரம் நீட்டும் நட்பு நாடுகள் – உக்ரைன் அதிபர்

உக்ரைன் அதிபர் செலன்ஸ்கி, நட்பு நாடுகளிடம் இருந்து உக்ரைனுக்கு உதவிகள் வந்து கொண்டிருப்பதாக தெரிவித்துள்ளார். 

உக்ரைன் மீது தொடர்ந்து நான்காவது நாளாக தரைப்படை,பீரங்கி டாங்கிகள் கொண்டு ரஷ்யா தாக்குதல் நடத்தி வருகிறது. முன்னதாக தலைநகர் கீவ்-வை கைப்பற்ற ரஷ்யா ராணுவ படைகள் தாக்குதல் ஈடுபட்டு வந்த நிலையில் உக்ரைனின் தெற்கு மற்றும் தென் கிழக்கு பகுதியில் உள்ள இரண்டு முக்கிய நகரங்களை கைப்பற்றியதாக ரஷ்யா அறிவித்தது. மேலும், உக்ரைனின் அதிக மக்கள் தொகை கொண்ட 2-வது பெரிய நகரமான கார்கிவ் பகுதிக்குள் தாக்குதல் நடத்தி அந்நகரத்தையும் கைப்பற்றியுள்ளதாக கூறப்பட்டது.

இந்நிலையில், உக்ரைன் அதிபர் செலன்ஸ்கி, நட்பு நாடுகளிடம் இருந்து உக்ரைனுக்கு உதவிகள் வந்து கொண்டிருப்பதாகவும், ஆயுதங்கள், மருந்துகள், உணவு பொருட்கள், டீசல், நிதி உள்ளிட்டவையும் வந்து கொண்டிருக்கிறது என தெரிவித்துள்ளார்.