முன்னாள் அமைச்சர் சண்முகநாதனின் மகன் எஸ்.பி.எஸ்.ராஜா வேட்புமனு தாக்கல்..!

தூத்துக்குடி மாநகராட்சி 59-வது வார்டு அதிமுக வேட்பாளரான, முன்னாள் அமைச்சர் சண்முகநாதனின் மகன் எஸ்.பி.எஸ்.ராஜா அவர்கள், தேர்தல் அதிகாரி ராமசந்திரனிடம் வேட்புமனு தாக்கல் செய்துள்ளார். 

தமிழ்நாட்டில் உள்ள 21 மாநகராட்சிகள், 138 நகராட்சிகள் மற்றும் 490 பேரூராட்சிகள் என 649 நகர்ப்புற உள்ளாட்சி அமைப்புகளுக்கு, தேர்தல்கள் வரும் 19-ஆம் தேதி ஒரே கட்டமாக நகர்ப்புற உள்ளாட்சி தேர்தல் நடைபெற உள்ளது.

இதனையடுத்து, அனைத்து அரசியல் கட்சியினரும் தேர்தல் முன்னேற்பாடு பணிகளில் தீவிரமாக ஈடுபட்டு வருகின்றனர். நகர்ப்புற உள்ளாட்சி தேர்தலுக்கான மனு தாக்கல், இன்று மாலையுடன் நிறைவடையும் நிலையில், வேட்பாளர்கள் மிகவும் விறுவிறுப்பாக வேட்புமனு தாக்கல் செய்து வருகின்றனர்.

அந்த வகையில், தூத்துக்குடி மாநகராட்சி 59-வது வார்டு அதிமுக வேட்பாளரான, அதிமுக முன்னாள் அமைச்சர் சண்முகநாதனின் மகன் எஸ்.பி.எஸ்.ராஜா அவர்கள், தேர்தல் அதிகாரி ராமசந்திரனிடம் வேட்புமனு தாக்கல் செய்துள்ளார்.