இந்தியா – இலங்கை இடையே இன்று 2-வது டி20 போட்டி!

இந்தியா-இலங்கை அணிகளுக்கு இடையே இன்று இரண்டாவது டி20 போட்டி நடைபெறுகிறது.

இந்தியா-இலங்கை அணிகளுக்கு இடையேயான முதல் டி20 போட்டி நேற்று முன்தினம் லக்னோவில் உள்ள மைதானத்தில் நடைபெற்றது. இப்போட்டியில் டாஸ் வென்ற இலங்கை அணி பந்து வீச தேர்வு செய்தது.

அதன்படி,களமிறங்கிய இந்திய அணி இறுதியாக 20 ஓவரில்  2 விக்கெட்டை இழந்து 199 ரன்கள் எடுத்தனர்.200 ரன்கள் இலக்குடன் இலங்கை களமிறங்கிய இலங்கை அணிஇறுதியில், 20 ஓவர் முடிவில் 6 விக்கெட் இழந்து இலங்கை அணி 137 ரன்கள் மட்டுமே எடுத்தது. இதன் மூலம் இந்திய அணி முதல் டி20 போட்டியை 62 என்கிற பெரிய வித்தியாசத்தில் அபார வெற்றி பெற்றது.இதனால்,3 போட்டிகள் கொண்ட டி20 தொடரில் இந்தியா 1-0 என்ற கணக்கில் முன்னிலையில் உள்ளது.

இந்நிலையில்,இந்தியா-இலங்கை அணிகளுக்கு இடையே இன்று இரண்டாவது டி20 போட்டி நடைபெறுகிறது.இரு அணிகளும் மோதும் இப்போட்டியானது இன்று இரவு 7 மணிக்கு தர்மசாலாவில் உள்ள ஹிமாச்சல பிரதேச கிரிக்கெட் சங்க மைதானத்தில் நடைபெறுகிறது.

அணிகள்:

சாத்தியமான இந்தியா லெவன்: ரோஹித் சர்மா (கேப்டன்),இஷான் கிஷன் (வி.கீப்பர்),ஷ்ரேயாஸ் ஐயர்,சஞ்சு சாம்சன்,தீபக் ஹூடா,ரவீந்திர ஜடேஜா,வெங்கடேஷ் ஐயர்,ஹர்ஷல் படேல்,புவனேஷ்வர் குமார், ஜஸ்பிரித் பும்ரா,யுஸ்வேந்திர சாஹல்.

சாத்தியமான இலங்கை லெவன்: நிரோஷன் டிக்வெல்லா (வி.கீப்பர்), பதும் நிஸ்ஸங்கா, சரித் அசலங்கா, ஜனித் லியனகே, தனஞ்சய டி சில்வா, தசுன் ஷனகா (கேப்டன்), சாமிக்க கருணாரத்னா, துஷ்மந்த சமீரா, ஜெப்ரி வான்டர்சே, பிரவீன் ஜெயவிக்ரமா,லஹிரு குமாரா.