டாப் கியரில் பல்சர் விற்பனை.! கடந்த ஆண்டை விட 300 சதவீதம் ஏற்றம்.!

பல்சர் பைக் என்றால் தற்போதும் இளைஞர்கள் மத்தியில் ஒரு மவுசு இருக்கத்தான் செய்கிறது. அதன் பிரதிபலிப்பு அந்த பைக்குகள் விற்பனையில் அப்பட்டமாக தெரிகிறது. அதிலும் எப்போதும் ராஜாவாக திகழும் பல்சர் 150 மற்றும் புதிதாக களமிறங்கிய பல்சர் 220 மாடல்களுக்கு மார்க்கெட்டில் விற்பனை உயர்ந்துள்ளது.

கடந்த 2020 டிசம்பர் மாதம் மற்றும் 2021 நவம்பர் ஆகிய மாதங்களில் முறையே 19,958 மற்றும் 13,084 பல்சர் 150 ரக பைக்குகள் விற்பனை செய்யப்பட்டுள்ளன. ஆனால் 2021 டிசம்பர் மாதத்தில் இவற்றை காட்டிலும் முறையே 36.13% மற்றும் 107.65% அதிகமாக 27,169 பல்சர் 150 ரக பைக்குகள் விற்பனை ஆகியுள்ளன. இதனுடே கணிசமான எண்ணிக்கையில் பல்சர் 125 ரக பைக்குகளும் விற்பனையாகியுள்ளன.

அதேபோல, பல்சர் 220 எஃப்/ 250 ரக பைக்குகள் கடந்த 2021 நவம்பரில் 644 ஆக இருந்த எண்ணிக்கை ஒரேடியாக 300சதவீதம் எகிறி கடந்த 2021 டிசம்பரில் மட்டுமே 2,621 பைக்குகள் விற்பனையாகியுள்ளன.

மார்க்கெட்டில் எத்தனை புது பைக்குகள் களமிறங்கினாலும் தான் என்றைக்கும் இளைஞர்கள் மத்தியில் கிங் என நிரூபித்து வருகிறது இந்த கணிசமான உயர்வு.