அஜித் நடிப்பில் உருவாகியுள்ள வலிமை படத்தில் இருந்து மேக்கிங் வீடியோ இன்று மாலை 6 மணிக்கு வெளியாக உள்ளதாக கூறப்படுகிறது.
அஜித்குமார் நடிப்பில் 2022 பொங்கல் தினத்தை முன்னிட்டு வலிமை திரைப்படம் திரையரங்குகளை திருவிழாவாக்க வர உள்ளது. இந்த படத்திற்கு அஜித் ரசிகர்கள் மட்டுமின்றி திரையுலகில் பலரும் எதிர்நோக்கி காத்திருக்கின்றனர். கிட்டத்தட்ட 2 வருடங்களாக அஜித்திற்கு படம் வெளியாகவில்லை. சதுரங்க வேட்டை, தீரன் படங்களை தொடர்ந்து வினோத் கதை, திரைக்கதை, இயக்கத்தில் வெளியாகும் திரைப்படம் என பல்வேறு காரணங்கள் இதற்கு இருக்கின்றன.
இந்த படத்தில் இருந்து, யுவனின் இசையில் ஏற்கனவே நாங்க வேற மாறி, அம்மா பாடல் என இரு பாடல்கள் வெளியாகி ரசிகர்கள் மத்தியில் நல்ல வரவேற்பை பெற்று விட்டன. மேலும், வலிமை படத்தில் இருந்து கிளிசம்பஸ் வீடியோ ஒன்று வெளியாகி ரசிகர்கள் மத்தியில் நல்ல வரவேற்பை பெற்றுள்ளது.
இதனை தொடர்ந்து இன்று மாலை 6 மணிக்கு வலிமை படத்தின் மேக்கிங் வீடியோ வெளியாக உள்ளதாம். இந்த தகவல் தற்போது வேகமாக இணையத்தில் பரவி வருகிறது. வலிமை படம் ரேஸிங் காட்சிகள் மையப்படுத்தி எடுக்கப்பட்டுள்ளதால், படத்தின் மேக்கிங் விடீயோக்களுக்காக ரசிகர்கள் மிகுந்த எதிர்பார்ப்போடு இருக்கின்றனர்.
