#T20WorldCupFinal: கோப்பையை வெல்லப்போவது யார்? நியூசிலாந்து – ஆஸ்திரேலியா அணிகள் இன்று பலப்பரீட்சை!

டி-20 உலகக் கோப்பை இறுதிப் போட்டியில், ஆஸ்திரேலியா மற்றும் நியூசிலாந்து அணிகள் இன்றிரவு பலப்பரீட்சை நடத்துகிறது.

7-வது டி-20 உலகக் கோப்பை கிரிக்கெட் தொடர் கடந்த மாதம் 17-ஆம் தேதி ஐக்கிய அரசு அமீரகத்தில் தொடங்கி விறுவிறுப்பாக நடைபெற்று இறுதி போட்டியை எட்டியுள்ளது. இன்றிரவு துபாயில் நடைபெறும் இறுதிப்போட்டியில் ஆரோன் பிஞ்ச் தலைமையிலான ஆஸ்திரேலியா – வில்லியம்சன் தலைமையிலான நியூசிலாந்து அணிகள் பலப்பரீட்சை நடத்துகிறது.

உலகக்கோப்பையை வெல்லப்போவது யார் என்று அனைவரும் எதிர்பார்த்து காத்திருக்கும் இப்போட்டி இரவு 7.30 மணிக்கு தொடங்குகிறது. கடந்த 2010-ம் ஆண்டில் ஆஸ்திரேலிய அணி இறுதிப்போட்டியில் இங்கிலாந்திடம் தோற்று கோப்பையை இழந்தது. நியூசிலாந்து அணி இறுதிப்போட்டிக்கு வந்திருப்பது இதுதான் முதல் முறை.

இந்தப் போட்டியில் எந்த அணி வென்றாலும் அவர்களுக்கு இது முதலாவது டி-20 உலக கோப்பையாக இருக்கும். இன்று நடக்கும் போட்டியில் டாஸ்தான் வெற்றியை தீர்மானிக்கும் என்று கணிக்கிறார்கள். எனவே, இரு அணிகளும் இதுவரை 20 ஓவர் உலக கோப்பையை வென்றது இல்லை. முதல் முறையாக சாம்பியன் பட்டம் பெறப்போவது ஆஸ்திரேலியாவா? நியூசிலாந்தா? என்று எதிர்பார்க்கப்படுகிறது.