புதிய போஸ்டருடன் வெளிவந்த பொன்னியின் செல்வன் அப்டேட்..!

பொன்னியின் செல்வன் படத்தின் புதிய போஸ்டருடன் புதிய தகவல் வெளிவந்துள்ளது.

பிரமாண்ட பட்ஜெட்டில் இயக்குனர் மணிரத்னம் இயக்கத்தில் பிரமாண்டமாக உருவாகி வரும் திரைப்படம் பொன்னியின் செல்வன். ஜெயம் ரவி, கார்த்தி, விக்ரம் பிரபு, விக்ரம், ஐஸ்வர்யா ராய், ஐஸ்வர்யா லட்சுமி, த்ரிஷா, சரத்குமார், ரியாஸ் கான், அர்ஜுன் சிதம்பரம், பிரபு, போன்ற பல பிரபலங்கள் இந்த திரைப்படத்தில் முக்கியமான கதாபாத்திரத்தில் நடித்து வருகின்றார்கள்.

மேலும், கொரோனா ஊரடங்கு தளர்வுகளுக்கு பிறகு இந்த படத்தின் படப்பிடிப்பு ஹைதராபாத், மத்தியப்பிரதேசம், பாண்டிச்சேரி உள்ளிட்ட இடங்களில் நடைபெற்று வந்தது. தற்போது இந்த படத்தில் நடித்துள்ள நடிகர்கள் தங்களது நடிப்பை முடித்து விட்டதாக தகவல் வெளியாகி வந்த நிலையில், இந்த படத்தின் படக்குழு பொன்னியின் செல்வன் முதல் பாகம் படப்பிடிப்பு நிறைவு பெற்றதாக தெரிவித்துள்ளனர். தற்போது புதிய போஸ்டரையும் வெளியிட்டுள்ளனர். மேலும், இந்த படம் வரும் 2022 ஆம் ஆண்டு வெளியாக உள்ளதாக தெரிவிக்கப்பட்டுள்ளது.