அமெரிக்காவில் கடந்த 24 மணி நேரத்தில் 1.76 லட்சம் பேருக்கு கொரோனா..!
அமெரிக்காவில் கடந்த 24 மணி நேரத்தில் 1.76 லட்சம் பேருக்கு கொரோனா பாதிப்பு ஏற்பட்டுள்ளது.
உலகம் முழுவதிலும் கடந்த ஒன்றரை வருடங்களுக்கு மேலாக பரவி வரக்கூடிய கொரோனா வைரஸின் தாக்கம் பல நாடுகளிலும் தற்போதும் தொடர்ந்து கொண்டே தான் இருக்கிறது. கொரோனா பரவலை குறைக்க பல நாடுகளிலும் கடுமையான கட்டுப்பாடுகள் அமல்படுத்தப்பட்டு வந்தாலும், அவ்வப்போது கொரோனா பாதிப்பு அதிகரித்துக் கொண்டே வருகிறது.
இந்நிலையில், அமெரிக்காவில் கடந்த பிப்ரவரி மாதத்திற்கு பிறகு கொரோனா அதிகளவில் பரவி வருகிறது. கடந்த ஜூன் மாதத்தில் 11 ஆயிரமாக இருந்த கொரோனா பரவல் தற்போது ஒன்றரை லட்சமாக கடந்து சென்றுள்ளது. இந்நிலையில், அமெரிக்காவில் ஒரே நாளில் 1,490 பேர் உயிரிழந்துள்ளதாக தகவல் வெளியாகி உள்ளது.
மேலும் கடந்த 24 மணி நேரத்தில் 1,76,645 கொரோனா பாதிப்பு ஏற்பட்டிருப்பதாக தெரிவிக்கப்பட்டுள்ளது. மேலும் ஒரே நாளில் 61,538 பேர் கொரோனாவிலிருந்து குணமடைந்து வீடு திரும்பியுள்ளனர். இதுவரை அமெரிக்காவில் 4 கோடியே 06 லட்சத்து 97 ஆயிரத்து 726 பேர் கொரோனாவால் பாதிக்கப்பட்டுள்ளது குறிப்பிடத்தக்கது.
