இந்தியா-இங்கிலாந்து 3-வது டெஸ்ட் போட்டி – நாளை தொடக்கம்…!

by EdisonPosted on August 24, 2021

இந்தியா-இங்கிலாந்து அணிகளுக்கிடையேயான 3-வது டெஸ்ட் போட்டி நாளை நடைபெறவுள்ளது.

இந்தியா- இங்கிலாந்து அணிகளிடையே ஐந்து போட்டிகள் கொண்ட டெஸ்ட் தொடர் நடைபெற்று வருகிறது.அதன்படி,நடைபெற்ற முதல் டெஸ்ட் போட்டி மழை காரணமாக டிரா ஆனது. இதனையடுத்து,லண்டன் லார்ட்ஸ் மைதானத்தில் நடைபெற்ற 2-வது டெஸ்ட் போட்டியில் இந்தியா 151 ரன் வித்தியாசத்தில் மாபெரும் வெற்றி பெற்றது.இதனால்,தற்போது இந்தியா 1-0 என்ற புள்ளி கணக்கில் முன்னிலையில் உள்ளது.

இந்நிலையில்,இரு அணிகளுக்கிடையேயான மூன்றாவது டெஸ்ட் போட்டி லீட்ஸ் மைதானத்தில் ,நாளை (25-ம்தேதி) தொடங்குகிறது.இதற்காக,இரு அணிகளும் தீவிர பயிற்சியில் ஈடுபட்டுள்ளன.மேலும்,2-வது டெஸ்டில் வெற்றி பெற்றுள்ள இந்திய அணி, அடுத்த மூன்று டெஸ்டுகளிலும் வென்று இத்தொடரைக் கைப்பற்றும் என்று எதிர்பார்க்கப்படுகிறது.

இதற்கிடையில்,இங்கிலாந்து அணையின் வேகப்பந்து வீச்சாளர் மார்க்வுட்,வலது தோள்பட்டையில் ஏற்பட்டுள்ள காயம் காரணமாக விலகி உள்ளதாக இங்கிலாந்து கிரிக்கெட் வாரியம் தெரிவித்துள்ளது.