மாணவிகளை தவறான பாதைக்கு அழைத்த விவகாரம் :சிறையில் பேராசியை நிர்மலாதேவியிடம் தீவிர விசாரணை!

சந்தானம் குழுவினர் ,மாணவிகளை தவறான பாதைக்கு அழைத்த வழக்கில் மதுரை சிறையில் அடைக்கப்பட்டுள்ள பேராசியை நிர்மலாதேவியிடம்,விசாரணை நடத்தி வருகின்றனர்.

ஆளுநரால் நியமிக்கப்பட்ட சந்தானம் குழு மதுரையில் இரண்டாம் கட்ட விசாரணையைத் நேற்று தொடங்கியது. துணைவேந்தர், பதிவாளர் உள்ளிட்டோரிடம் விசாரணை நடத்தப்பட்டதாகவும், பல்கலைக்கழக அலுவலர்கள் பணியிடமாற்றம் குறித்தும் விசாரித்தாகவும் சந்தானம் தெரிவித்தார். சிறைத்துறை அனுமதி பெற்று நிர்மலா தேவியிடம் விசாரணை நடத்தவுள்ளதாகவும் அவர் தெரிவித்திருந்தார்.

இந்நிலையில் இன்று காலை 9.25 மதுரை சிறைக்குச் சென்ற சந்தானம் மற்றும் பெண் விசாரணை அதிகாரிகள் தியாகேஸ்வரி, கமலி ஆகியோர் நிர்மலா தேவியிடம் விசாரணை நடத்தி வருகின்றனர். விசாரணையை பதிவு செய்ய வீடியோ கேமரா மேன் ஒருவரையும் அவர்கள் அழைத்துச் சென்றனர்.

இதனிடையே பேராசிரியை நிர்மலா தேவி மாணவிகளை தவறான பாதைக்கு அழைத்த வழக்கில் ஆராய்ச்சி மாணவர் கருப்பசாமியை 4 நாள் சி.பி.சி.ஐ.டி. காவலில் விசாரிக்க சாத்தூர் நீதிமன்றம் அனுமதி அளித்துள்ளது. நிர்மலா தேவி கூறிய முருகனிடம் ஏற்கனவே விசாரணை நடைபெற்று வருகிறது. முன்னாள் ஆராய்ச்சி மாணவரான கருப்பசாமி பல்வேறு இடங்களில் தேடப்பட்டு வந்த நிலையில் நேற்று மதுரை குற்றவியல் நீதிமன்றத்தில் சரணடைந்தார்.

இதையடுத்து சிறையில் அடைக்கப்பட்டிருந்த கருப்பசாமியை இன்று சி.பி.சி.ஐ.டி. போலீசார் சாத்தூர் நீதிமன்றத்தில் ஆஜர்படுத்தினர். கருப்பசாமிக்கு 10 நாள் காவல் கோரி சி.பி.சி.ஐ.டி. சார்பில் மனுவும் தாக்கல் செய்யப்பட்டிருந்தது. மனுவை விசாரித்து நீதிபதி கருப்பசாமியை 4 நாள் சி.பி.சி.ஐ.டி. காவலில் விசாரிக்க அனுமதியளித்தார்

மேலும் செய்திகளுக்கு தினச்சுவடுடன் இணைந்திருங்கள்.