சஞ்சய் தத் பிறந்தநாளை முன்னிட்டு “KGF-2” புதிய போஸ்டர் வெளியீடு.!

சஞ்சய் தத் நடிக்கும் அதீரா கதாபாத்திரத்திற்கான புதிய போஸ்ட்டரை கே ஜி எஃப் தயாரிப்பு நிறுவனம் வெளியீட்டுள்ளது.

கடந்த 2018-ம் ஆண்டு இயக்குனர் பிரசாந்த் நீல் இயக்கத்தில் நடிகர் யாஷ் நடிப்பில் வெளியான கே ஜி எஃப் திரைப்படம் பிளாக் பஸ்டர் வெற்றி பெற்றது. இந்த திரைப்படத்தின் பிரமாண்ட வெற்றியை தொடர்ந்து தற்போது இந்த படத்தின் இரண்டாம் பாகம் உருவாகியுள்ளது. இந்த இரண்டாம் பாகத்தில் ராக்கி என்ற கதாபாத்திரத்தில் யாஷ் ,அதீரா என்ற கதாபாத்திரத்தில் பாலிவுட் நடிகர் சஞ்சய் தத் நடிக்கிறார்.

இந்த திரைப்படம் ஜூலை 16- ஆம் தேதி வெளியாகும் என்று முன்னதாக அறிவிப்பு வெளியாகியிருந்த நிலையில், கொரோனா இரண்டாவது அலையின் காரணமாக திரையரங்குகள் மூடப்பட்டுள்ளதால் ரிலீஸ் தேதியை ஒத்திவைப்பதாகவும், புதிய ரிலீஸ் தேதி விரைவில் அறிவிக்கப்படும் என்றும் படத்தின் தயாரிப்பு நிறுவனம் அறிவித்திருந்தது.

இந்த நிலையில் இன்று நடிகர் சஞ்சய் தத் தனது 62-வது பிறந்த நாளை கொண்டாடுகிறார். அவருக்கு ரசிகர்கள் மற்றும் சினிமா பிரபலங்கள் வாழ்த்துக்களை தெரிவித்து வருகின்றார்கள். அந்த வகையில், இவருக்கு பரிசளிக்கும் வகையில், கே ஜி எஃப் தயாரிப்பு நிறுவனம் அதீரா கதாபாத்திரத்திற்கான புதிய போஸ்ட்டரை வெளியீட்டுள்ளது.

“War is meant for progress, even the vultures will agree with me” – #Adheera, Happy Birthday @duttsanjay.#KGFChapter2 @TheNameIsYash @prashanth_neel @VKiragandur @hombalefilms @TandonRaveena @SrinidhiShetty7 @excelmovies @VaaraahiCC @PrithvirajProd @DreamWarriorpic @LahariMusic pic.twitter.com/llYfi2ggNJ

— Hombale Films (@hombalefilms) July 29, 2021