முடிவுக்கு வருகிறது சரவணன் மீனாட்சி -முக்கிய தகவலை வெளியிட்ட ரச்சிதா!

தமிழ் சீரியல்களில் 1,2, 3 என்று ஒரே பெயரில் நிறைய பாகங்களாக ஓடிக் கொண்டிருக்கும் சீரியல் சரவணன்-மீனாட்சி.

முதல் சீரியல் எவ்வளவு அழகாக ரசிகர்களின் உள்ளத்தை எப்படி கவர்ந்தது என்பது நாங்கள் சொல்ல தேவையில்லை. ஆனால் அடுத்தடுத்து வந்த பாகங்களால் அதே பெயரில் நாயகி மட்டும் மாறாமல் சரவணன்கள் மட்டும் மாறிக்கொண்டே இருக்கிறார்கள் என்று மீம்ஸ்கள் நிறைய வந்தன. ஆனாலும் சீரியல் குழுவினர் எதைப்பற்றியும் கவலைப்படாமல் எடுத்து வருகின்றனர்.

சமீபத்தில் சீரியல் நாயகன் ரியோ ஒரு பேட்டியில், இப்போது ஒரு படம் கமிட்டாகியுள்ளேன். சீரியல் முடிவுக்காக காத்துக் கொண்டிருக்கிறேன் என்றார்.

அதேபோல் சமீபத்தில் ரச்சிதா ரசிகர்களுடன் சமூக வலைதளத்தில் பேசும்போது, எல்லாவற்றிற்கும் முடிவு உள்ளது, இந்த வருடமே சரவணன்-மீனாட்சி சீரியல் முடிந்துவிடலாம் என்று கூறியுள்ளார்.