வெற்றி மாறன் சார் படத்தில் முதல் ஹீரோ வெற்றி மாறன் தான் என்று நடிகர் சூரி தெரிவித்துள்ளார்.
இயக்குனர் வெற்றி மாறன் அடுத்ததாக அசுரன் திரைப்படத்தின் வெற்றியை தொடர்ந்து நடிகர் விஜய் சேதுபதி , சூரியை வைத்து விடுதலை என்ற திரைப்படத்தை இயக்கி வருகிறார். எழுத்தாளர் ஜெயமோகனின் துணைவன் என்ற சிறுகதையை தழுவி உருவாகும் இந்த திரைப்படத்திற்கு இசையமைப்பாளர் இளையராஜா இசையமைத்து வருகிறார்.
இந்த படத்திற்கான பர்ஸ்ட் லுக் டைட்டிலுடன் கடந்த சில மாதங்களுக்கு முன்பு வெளியாகி ரசிகர்களுக்கு மத்தியில், நல்ல விமர்சனத்தை பெற்றது. இந்த படத்தில் நடிகர் சூரி போலீஸ் கதாபாத்திரத்தில் நடித்து வருகிறார். படத்திற்கான இறுதிக்கட்ட படப்பிடிப்பு விறு விறுப்பாக நடைபெற்று வருகிறது.
இந்த நிலையில், நடிகர் சூரி சமீபத்தில் அளித்துள்ள பேட்டி ஒன்றில் இயக்குனர் வெற்றி மாறன் குறித்து பேசியுள்ளார். இதில் அவர் பேசியது ” வெற்றி மாறன் படத்தில் நான் ஹீரோவாக நடிக்கிறேன் என்று என்னிடம் கேட்டார்கள். ஆனால் வெற்றி மாறன் சார் படத்தில் முதல் ஹீரோ வெற்றி மாறன் தான். அடுத்ததாக அவருடைய கதை தான் ஹீரோ. மூன்றாவதாக தான் நான். அவருடைய படத்தில் நடிக்க எனக்கு வாய்ப்பு கிடைத்தது மிகப்பெரிய சந்தோஷம்” என்று கூறியுள்ளார்.
