மைதானத்தில் தனது காதலை வெளிப்படுத்திய கால்பந்து வீரர்..!

by muruganPosted on July 5, 2021

அமெரிக்க கால்பந்து வீரர் ஹசானி டோட்சன் ஸ்டீபன்சன் மைதானத்தில் தனது காதலை வெளிப்படுத்திய விதம் வைரலாகி வருகிறது.

வாழ்க்கையில் பெரிய தருணங்களை ஒரு வித்தியாசமான முறையில் கொண்டாடும் வழக்கம் இப்போது அதிகரித்து வருகிறது. அந்த வகையில், ஹசானி டோட்சன் ஸ்டீபன்சன் என்ற அமெரிக்க கால்பந்து வீரர், தனது காதலிக்கு தனது காதலை வெளிப்படுத்திய விதம் வைரலாகி வருகிறது.

ஸ்டீபன்சன் அமெரிக்காவில் உள்ள மினசோட்டா கால்பந்து கிளப்பில் உறுப்பினராக உள்ளார். மினசோட்டா எஃப்சி மற்றும் சான் ஜோஸ் அணிக்கு இடையிலான போட்டியில் 2-2 என்ற கோல் கணக்கில் போட்டி சமநிலையில் முடிந்தது. ஆட்டம் டிராவில் முடிந்தவுடன், ஸ்டீபன்சன் மைதானத்தில் அவர் தனது காதலி பெட்ரா வுகோவிச்சிற்கு தனது காதலை வெளிப்படுத்தினர்.

அப்போது, இரு அணிகளின் வீரர்களும், ரசிகர்களும் கைதட்டி வாழ்த்துக்களை தெரிவித்தனர். பெட்ரா வுகோவிக் இது குறித்து தனது உணர்வுகளை இன்ஸ்டாகிராமில் தெரிவித்துள்ளார். அதில், “என்னால் என் மகிழ்ச்சியை வார்த்தைகளில் வெளிப்படுத்த முடியவில்லை. எங்கள் அழகான உறவை ஆதரித்த அனைவருக்கும் நன்றி. மேலும் புகைப்படத்தையும் பகிர்ந்துள்ளார். அந்த புகைப்படமும் இப்போது வைரலாகியுள்ளது.