வன்னியர்களுக்கான 10.5% உள் இட ஒதுக்கீட்டிற்கு இடைக்கால தடை விதிக்க உச்சநீதிமன்றம் மறுப்பு..!

வன்னியர்களுக்கான 10.5% உள் இட ஒதுக்கீட்டிற்கு இடைக்கால தடை விதிக்க உச்சநீதிமன்றம் மறுப்பு.

வன்னியர்களுக்கு இட ஒதுக்கீடு வேண்டும் என்ற கோரிக்கை நீண்ட நாட்களாக இருந்து வந்தது. இது தொடர்பாக பல்வேறு போராட்டங்களும் நடைபெற்றது. இதனை அதிமுக கூட்டணியில் உள்ள பாமகவும் நீண்ட நாட்களாக கோரிக்கை வைத்து வந்தனர்.

இந்நிலையில் வன்னியர்களுக்கு (மிகவும் பிற்படுத்தப்பட்டோர் பிரிவு ) 10.5% தனி இட ஒதுக்கீடு சட்ட மசோதா சட்டப்பேரவையில் தாக்கல் செய்யப்பட்டது. அதிமுக ஆட்சியின் போது வன்னியர்களுக்கு 10.5 % இடஒதுக்கீடு அளித்து அரசாணை நிறைவேற்றப்பட்டது.

இந்நிலையில், இந்த இடஒதுக்கீட்டிற்கு இடைக்கால தடை விதிக்குமாறு சந்தீப் மற்றும் முத்துக்குமார் என்பவர்கள் உச்சநீதிமன்றத்தில் மனுதாக்கல் செய்திருந்தார். இது நீதிபதி நாகேஸ்வரராவ் அமர்வில் விசாரணைக்கு வந்தது. அப்போது இதுகுறித்து நீதிபதி கூறுகையில், உள்ஒதுக்கீடு சட்டத்தை நாங்கள் படித்து பார்த்ததாகவும் அதற்க்கு தடைவிதிக்க போவதில்லை என்றும் நீதிபதிகள் அறிவித்தனர்.

மேலும், ஏற்கனவே கடந்த ஏப்ரல் மாதம்  மதுரையை சேர்ந்த அபிஷ் குமார் என்பவர் தாக்கல் செய்த நிலுவையில் உள்ள இடஒதுக்கீடு வழக்குகளுடன் சேர்த்து வன்னியர் இடஒதுக்கீடு வழக்கும் விசாரிக்கப்படும் என்று தெரிவிக்கப்பட்டுள்ளது.