கப்பல் நாயகிக்கு ஒருவழியாக வாய்ப்பு கிடைத்தது தமிழில் !

தமிழில் கப்பல் படத்தில் நடித்தார்  நடிகை சோனம் பாஜ்வா.அந்த படம் சரியாக போகாததால் தொடர்ந்து அவருக்கு வாய்ப்புகள் கிடைக்கவில்லை. இதனால் மீண்டும் பஞ்சாபி படங்களுக்கே திரும்பி விட்டார்.

தற்போது பஞ்சாபி படங்களுடன் ஹிந்திப் படத்திலும் நடித்து வருகிறார்.4 ஆண்டுகளுக்கு பிறகு அவரை மீண்டும் அழைத்து வந்திருக்கிறார் இயக்குனர் டி.கே. யாமிருக்க பயமே, கவலை வேண்டாம் படங்களுக்கு பிறகு அவர் இயக்கும் காட்டேரி படத்தில் சோனம் பாஜ்வா தான் நாயகி.

இதில் முதலில் நடிப்பதாக இருந்த ஓவியா கால்ஷீட் விஷயத்தில் சொதப்பியதால் சோனம் பாஜ்வாவுக்கு அதிர்ஷ்டம் அடித்தது. அவருடன் வரலட்சுமியும் நடிக்கிறார். வைபவ் ஹீரோ.

ஸ்டூடியோ கிரீன் சார்பில் ஞானவேல்ராஜா தயாரிக்கிறார். பல மாதங்களுக்கு முன்பே ஆரம்பிக்கப்பட்ட படம். தயாரிப்பாளருக்கு வந்த சில பிரச்னைகள், சினிமா வேலை நிறுத்தம் இவற்றால் தாமதமாகி இப்போது முழுவீச்சில் படப்பிடிப்பை தொடங்கி விட்டார்கள்.

மேலும் செய்திகளுக்கு தினச்சுவடுடன் இணைந்திருங்கள்.