டி20 தரவரிசை பட்டியலில் முன்னேறிய பாபர் அசாம்.!!

டி 20 தரவரிசை பட்டியலை ஐசிசி நிர்வாகம் ட்வீட்டர் பக்கத்தில் வெளியிட்டுள்ளது. 

தென் ஆப்பிரிக்காவில் சுற்றுப்பயணம் மேற்கொண்ட பாகிஸ்தான் கிரிக்கெட் அணி 3 ஒரு நாள் மற்றும் 4 டி- 20 ஓவர் போட்டிகளில் விளையாடியது. இதில் ஒருநாள் தொடரை 2-1 என்ற கணக்கில் பாகிஸ்தான் அணி கைப்பற்றியது. இதையடுத்து, இரு அணிகளுக்கும் இடையேயான 20 ஓவர் போட்டிகள் நடைபெற்று வந்தது. 4 போட்டிகளை கொண்ட டி20  தொடரை  3-1 என்ற கணக்கில் பாகிஸ்தான்கைப்பற்றியது.

இந்த நிலையில் இதனை தொடர்ந்து ஐசிசி நிர்வாகம் டி 20 தரவரிசை பட்டியலை வெளியிட்டுள்ளது. இந்த பட்டியலில் பாகிஸ் தான் அணி வீரர் பாபர் அசாம் 3 வது இடத்தில் இருந்து 844 புள்ளிகள் பெற்று  இரண்டாவது இடத்திற்கு முன்னேறியுள்ளார். இதற்கு முன்பாக இரண்டாவது இடத்தில் ஆரோன் பின்ச் இருந்தார். முதல் இடத்தை டேவிட் மாலன் தக்க வைத்துள்ளார். இந்த பட்டியலில்  விராட்கோலி, கே எல் ராகுல் ஆகிய 2 இந்திய அணி வீரர்கள் உள்ளனர்.

Movement in the @MRFWorldwide ICC men’s T20I Batting Rankings with @babarazam258 moving up to second ????

Full list ???? https://t.co/y6w2zMiR7l pic.twitter.com/XgbmVz5E7c

— ICC (@ICC) April 21, 2021

இந்த தொடரின் டி 20 – யின் முதல் போட்டியில் பாபர் அசாம் 14 பந்துகளில் 14 ரன்கள் எடுத்தார். இரண்டாவது போட்டியில்  50 பந்துகளில் 50 ரன்களும், மூன்றாவது போட்டியில் 59 பந்துகளில் அதிரடியாக விளையாடி 122 ரன்களும், நான்காவது போட்டியில் 23 பந்துகளில் 24 ரன்களும் எடுத்தார் என்பது குறிப்பிடத்தக்கது.