விரைவில் பயன்பாட்டுக்கு வர தயாராகிறது மற்றோரு இந்திய தடுப்பூசி..,

கொரோனா வைரஸ் தடுப்பதற்கான மற்றொரு புதிய தடுப்பூசி ஹைதராபாத் “பயாலாஜிக்கல் இ ” நிறுவனம் உருவாக்கி வருகிறது.

நாடு முழுவதும் கொரோனா தொற்றின் 2-வது அலை வேகமாக பரவி வருகிறது. பல மாநிலங்களிலும் தினமும் கொரோனா பாதிப்பு அதிகரித்து வருகிறது. கொரோனா பரவலை கட்டுப்படுத்த மத்திய, மாநில அரசுகள் பல நடவடிக்கைகளை மேற்கொண்டு வருகிறது.

இதற்கிடையில், “பயாலாஜிக்கல் இ ” என்ற நிறுவனம் உருவாக்கியுள்ள புதிய தடுப்பூசியின் முதல் மற்றும் இரண்டாம் கட்ட பரிசோதனைகள் முடிந்து விட்டன. “பயாலாஜிக்கல் இ ” நிறுவனத்தின் புதிய தடுப்பூசியின் மூன்றாம் கட்ட பரிசோதனை  விரைவில் தொடங்கவுள்ளது. மூன்றாம் கட்ட பரிசோதனை முடிவுகள் கிடைத்தவுடன் பொதுமக்கள் அதை போட்டுக்கொள்வதற்க்கான அனுமதியை அரசு அளிக்கும்.

ஆகஸ்ட் மாதத்தில் “பயாலாஜிக்கல் இ ” நிறுவனம் தயாரித்து வரும் தடுப்பூசி பயன்பாட்டுக்கு வந்துவிடும் என எதிர்பார்க்கப்படுகிறது. முழுக்க முழுக்க இந்திய ஆராய்ச்சி மூலம் உருவாக்கப்பட்ட தடுப்பூசியாக  “பயாலாஜிக்கல் இ ”  நிறுவனம் தயாரிப்பு இருக்கும். பிரிட்டனின் ஆக்ஸ்போர்ட் பல்கலைக்கழகம் கண்டுபிடித்த கோவிஷில்டு, பாரத் பயோடெக்கின் கோவாக்சின்  தடுப்பூசிகள் தற்போது இந்தியாவில் பொதுமக்களுக்கு வழங்கப்பட்டு வருகிறது.

ரஷ்ய உருவாக்கியுள்ள ஸ்புட்னிக்-வி தடுப்பூசியை இறக்குமதி செய்யவும், பயன்படுத்தவும் மத்திய அரசு அனுமதி அளித்துள்ளது. “பயாலாஜிக்கல் இ ”  நிறுவனம் உருவாக்கியுள்ள தடுப்பூசிக்கு அனுமதி கிடைத்தால் இந்தியாவில் இது 4-வது தடுப்பூசியாக இருக்கும். மத்திய அரசு அனுமதி கிடைத்தவுடன் வாரத்துக்கு ஏழு கோடி தடுப்பூசியை தங்கள் நிறுவனம் தயாரிக்கும் என பயாலாஜிக்கல் இ நிறுவனம் தெரிவித்துள்ளது.