சி.பி.எஸ்.இ. இணையதளத்தில் நீட் நுழைவுத்தேர்வுக்கான ஹால் டிக்கெட் வெளியீடு!

சி.பி.எஸ்.இ. இணையதளத்தில்  நீட் நுழைவுத்தேர்வுக்கான ஹால் டிக்கெட் வெளியிடப்பட்டுள்ளது.

எம்.பி.பி.எஸ்., பி.டி.எஸ். போன்ற மருத்துவ படிப்புகளில் சேர நீட் தேர்வு எழுதுவது அவசியமாகும். தேசிய தகுதி நுழைவுத் தேர்வு எனப்படும் நீட் தேர்வை, வரும் மே மாதம் 6ஆம் தேதி சி.பி.எஸ்.இ. நடத்துகிறது. இந்த தேர்வை எழுத விரும்பும் மாணவ, மாணவிகள் இணையதளத்தில் விண்ணப்பிக்க சி.பி.எஸ்.இ. அறிவுறுத்தியிருந்தது. விண்ணப்பிப்பதற்காக காலக்கெடு பிப்ரவரி 9ஆம் தேதியுடன் முடிவடைந்த நிலையில், தற்போது, நுழைவுத்தேர்வு கூடத்துக்கான ஹால்டிக்கெட்டை cbseneet.nic.in என்ற இணையதளத்திலேயே தரவிறக்கம் செய்து கொள்ளலாம் என அறிவிக்கப்பட்டுள்ளது.

தரவிறக்கம் செய்த ஹால் டிக்கெட்டில், பாஸ்போர்ட் அளவு புகைப்படத்தை ஒட்டி, அதில் கேட்கப்பட்டுள்ள விவரங்களை பூர்த்தி செய்து, தேர்வறைக்கு வர வேண்டும் என்றும் சி.பி.எஸ்.இ. தெரிவித்துள்ளது.

மேலும் செய்திகளுக்கு தினச்சுவடுடன் இணைந்திருங்கள்.