புதுச்சேரியில் திடீர் திருப்பம்.. கூட்டணியில் இருந்து பாமக விலகல் ..?

பாமக புதுச்சேரியில் 12 தொகுதியிலும், காரைக்காலில் 3 தொகுதியிலும் தனித்து போட்டியிட பாமக முடிவு செய்துள்ளது என தகவல் வெளியாகியுள்ளது.

இன்று மதியம் புதுச்சேரி சட்டப்பேரவை தேர்தலில் போட்டியிடம் கூட்டணி குறித்த உடன்பாடு நடைபெற்றது. அதில் என்.ஆர். காங்கிரஸ், பாஜக- அதிமுக கூட்டணியில் வருகின்ற தேர்தலை சந்திக்க உள்ளனர் எனவும், என்.ஆர். காங்கிரஸ் கட்சி 16 தொகுதிகளிலும், பாஜக- அதிமுக -14 தொகுதிகளிலும் போட்டியிடுவதாக ரங்கசாமி அறிவித்தார்.

இந்நிலையில், 5 தொகுதிகளை ஒதுக்க கோரிய பாமகவிற்கு, ஒரு தொகுதி கூட ஒதுக்கப்படாததால் பாமக அதிருப்தி அடைந்துள்ளது. இதனால், புதுச்சேரியில் தேசிய ஜனநாயக கூட்டணியில் இருந்து விலகி தனித்து போட்டியிட பாமக முடிவு என தகவல் வெளியாகியுள்ளது. பாமக புதுச்சேரியில் 12 தொகுதியிலும், காரைக்காலில் 3 தொகுதியிலும் தனித்து போட்டியிட பாமக முடிவு செய்துள்ளது.

பாஜக, என்.ஆர் காங்கிரஸ் கூட்டணியில் அதிமுகவிற்கு குறைவான தொகுதிகள் ஒதுக்கியதாக தகவல் வெளியாகியுள்ளது. கூட்டணியில் அடுத்தடுத்து குழப்பங்கள் ஏற்படுவதால் அதிமுக தொண்டர்கள் அதிர்ச்சி அடைந்துள்ளனர்.