கொல்கத்தா ரயில்வே அலுவலகத்தில் பயங்கர தீ விபத்து…! 9 தீயணைப்பு வீரர்கள் உயிரிழப்பு…!

கொல்கத்தாவின் மையப்பகுதியான தென்கிழக்கு மற்றும் கிழக்கு ரயில்வே மண்டலங்களின் தலைமை அலுவலகம் அமைந்துள்ள கட்டத்தில் பயங்கர தீ விபத்து. 

கொல்கத்தாவின் மையப்பகுதியான தென்கிழக்கு மற்றும் கிழக்கு ரயில்வே மண்டலங்களின் தலைமை அலுவலகம் அமைந்துள்ளது. நேற்று மாலை 6 மணியளவில், இந்த கட்டடத்தின் 13வது மாடியில்தீ விபத்து ஏற்பட்டுள்ளது. இந்த தீ  மற்ற கட்டடங்களுக்கு பரவிய நிலையில், 20க்கும் மேற்பட்ட தீயணைப்பு வாகனங்களில் வந்த தீயணைப்பு படையினர் தீயை அணைக்கும் பணியில் தீவிரமாக ஈடுபட்டனர்.

அப்போது லிஃப்டில் 4  வீரர்கள் சென்ற நிலையில், மின் கசிவு ஏற்பட்டதால் மின்சாரம் தாக்கிய 4 பேர் இறந்துள்ளனர். இது தவிர 5 பேர் தீயில் சிக்கி உயிரிழந்துள்ளனர். மேலும் இந்த கட்டிடத்தில் இருந்த சிலரை காணவில்லை என்றும் கூறப்படுகிறது.  தொடர்ந்து தீயணைப்பு வீரர்கள் மீட்பு பணியில் ஈடுபட்டு வருகிற நிலையில், உயிரிழப்பு எண்ணிக்கை அதிகரிக்க வாய்ப்புள்ளதாக கூறப்படுகிறது.  தீ விபத்து நடந்த இடத்தை முதலமைச்சர் மம்தா பானர்ஜி அவர்கள் நேரில் சென்று பார்வையிட்டுள்ளார்.