விறுவிறுப்பாக நடக்கும் பிக்பாஸ் சீசன் 5 பணிகள்.! போட்டியாளர்கள் யார் யார் தெரியுமா.?

பிக்பாஸ் சீசன் 5-ல் பங்கேற்க உள்ள பிரபலங்கள் குறித்த தகவல்கள் வெளியாகியுள்ளன.

தனியார் தொலைக்காட்சியான விஜய் டிவியில் ஒளிபரப்பாகிய நிகழ்ச்சிகளில் பிரபலமான ஷோ பிக்பாஸ்.உலகநாயகன் கமல்ஹாசன் தொகுத்து வழங்கி இதுவரை 4 சீசன்கள் முடிவடைந்துள்ளது . அடுத்த ஜூன் மாதம் முதல் பிக்பாஸ் சீசன் 5 தொடங்க உள்ளதாகவும், அதற்கான ஆரம்பகட்ட பணிகள் தீவிரமாக நடந்து வருவதாகவும் தகவல்கள் ஏற்கனவே வெளியாகியிருந்தது.

மேலும் கமல்ஹாசன் சட்டமன்றத் தேர்தலுக்கான வேலைகளில் மும்மரமாக செயல்பட்டு வருகிறார் .எனவே அதில் வெற்றி பெற்றால் பிக்பாஸ் 5-வது சீசனை தொகுத்து வழங்குவாரா என்ற சந்தேகம் எழுந்துள்ளது.இந்த நிலையில் தற்போது பிக்பாஸ் சீசன் 5-ல் கலந்து கொள்ள உள்ளதாக சில பிரபலங்களின் பெயர்கள் சமூக ஊடகங்களில் உலாவி வருகிறது.அதன்படி பிக்பாஸ் 5-வது சீசனில் ஸ்ரீரெட்டி, சோனா, ராதாரவி, பழகருப்பையா, லட்சுமி ராமகிருஷ்ணன் ஆகியோரின் பெயர்கள் இடம்பெற்றுள்ளதாக தகவல்கள் வெளியாகியுள்ளன.மேலும் குக் வித் கோமாளி நிகழ்ச்சியின் மூலம் பிரபலமான அஸ்வின், ஷிவாங்கி மற்றும் புகழ் ஆகியோரும் இந்த பிக் பாஸ் 5-வது சீசனின் போட்டியாளராக பங்கேற்க அதிகம் வாய்ப்பு உள்ளதாக தகவல்கள் வெளியாகியுள்ளன.உண்மையில் யார் யார் பங்கேற்கிறார்கள் என்பது குறித்த அதிகாரப்பூர்வ அறிவிப்பு விரைவில் வெளிவரும் என்று எதிர்பார்க்கப்படுகிறது.