5 ஆண்டுகளுக்கு பின் ரிலீஸ் தேதியை குறித்த செல்வராகவனின் ‘நெஞ்சம் மறப்பதில்லை’.!

செல்வராகவனின் ‘நெஞ்சம் மறப்பதில்லை’ படத்தினை மார்ச் 5-ம் தேதி திரையரங்குகளில் ரிலீஸ் செய்ய உள்ளதாக அறிவிக்கப்பட்டுள்ளது.

தமிழ் சினிமாவின் முன்னணி இயக்குனராக வலம் வரும் செல்வராகவன் கடைசியாக சூர்யாவின் என்ஜிகே படத்தினை இயக்கியிருந்தார்.தற்போது தனுஷின் இரு படங்களை இயக்கி வரும் இவரது இயக்கத்தில் பல ஆண்டுகளாக கிடப்பில் கிடக்கும் திரைப்படம் தான் ‘நெஞ்சம் மறப்பதில்லை’.

திகில் கலந்த ஹாரர் படமாக உருவாகியுள்ள இப்படத்தில் எஸ்ஜே சூர்யா, ரெஜினா கெசன்ட்ரா , நந்திதா ஸ்வேதா உள்ளிட்ட பலர் நடித்துள்ளனர்.யுவன் ஷங்கர் ராஜா இசையமைத்துள்ள இந்த படத்தின் பாடல்கள் மற்றும் டிரெய்லர் ஆகியவை வெளியாகி ரசிகர்கள் மத்தியில் நல்ல வரவேற்பை பெற்றது குறிப்பிடத்தக்கது.5 ஆண்டுகளாக கிடப்பில் கிடக்கும் இந்த படத்தினை விரைவில் ரிலீஸ் செய்ய உள்ளதாக கூறப்பட்ட நிலையில் தற்போது நெஞ்சம் மறப்பதில்லை போஸ்டருடன் ரிலீஸ் தேதி குறித்த அதிகாரப்பூர்வ அறிவிப்பை வெளியிட்டுள்ளனர் .

ராமசாமி என்ற கேரக்டரில் எஸ்ஜே சூர்யா நடிக்கும் இந்தப் படத்தினை வரும் மார்ச் 5-ம் தேதி திரையரங்குகளில் ரிலீஸ் செய்ய உள்ளதாக அறிவிக்கப்பட்டுள்ளது.இது செல்வராகவனின் மற்றொரு ஹிட் படமாக இருக்கும் என்று எதிர்பார்க்கப்படுகிறது.

#NenjamMarappathillai official poster…

Ramsey @ Ramasamy will meet you on big screens from March 5… ????️

இது வேற விளையாட்டு@selvaraghavan @thisisysr @ReginaCassandra @Madan2791 @Nanditasweta @Rockfortent @kbsriram16 @APVMaran pic.twitter.com/Ptw8siBXJR

— S J Suryah (@iam_SJSuryah) February 24, 2021