இன்று சென்னை மெட்ரோவில் இலவச பயணம் அறிவிப்பு..!

by muruganPosted on February 14, 2021

இன்று பிரதமர் மோடி வருகையையொட்டி சென்னை மெட்ரோ ரயில் நிர்வாகம் இன்று மதியம் 2 மணி முதல் இரவு 11 மணிவரை இலவசமாக பயணிக்கலாம் என தெரிவிக்கப்பட்டுள்ளது.

டெல்லியிலிருந்து புறப்பட்ட பிரதமர் மோடி 10:30 அளவில் தனி விமானம் மூலம் சென்னை வருகிறார். சென்னை வரும் மோடி இன்று சென்னை வண்ணாரப்பேட்டை முதல் விம்கோ நகர் வரையிலான மெட்ரோ சேவை, சென்னை கடற்கரை மற்றும் அத்திப்பட்டு இடையிலான 4-வது ரயில்பாதை உள்ளிட்ட திட்டங்களை பிரதமர் மோடி தொடங்கி வைக்க உள்ளார்.

தமிழகத்தில் சட்டமன்ற தேர்தல் வரவுள்ள நிலையில் பிரதமரின் வருகை முக்கியத்துவம் வாய்ந்ததாக பார்க்கப்படுகிறது.