ஹைதராபாத்தில் அடித்து துன்புறுத்தப்பட்டு கல்லூரி மாணவி கூட்டு பலாத்காரம் – 4 பேர் கைது!

ஹைதராபாத்தில் உள்ள மெச்சால் எனும் பகுதியில் 5 பேர் கல்லூரி மனைவியை அடித்து துன்புறுத்தி பலாத்காரம் செய்துள்ள நிலையில், 4 பேர் கைது செய்யப்பட்டுள்ளனர்.

தற்போதைய காலகட்டத்தில் குழந்தைகள் மற்றும் பெண்களுக்கு எதிரான பாலியல் குற்றங்கள் அதிகரித்து கொண்டே தான் செல்கிறது. இதனை தடுக்க அந்தந்த மாநிலத்தின் முதல்வர்கள் பல்வேறு நடவடிக்கைகளை எடுத்து வந்தாலும் இது போன்ற குற்றங்கள் குறைந்த பாடில்லை.

இந்நிலையில் தெலுங்கானா மாநிலத்தின் தலைநகராகிய ஹைதராபாத்தில் உள்ள மெச்சால் காடிகேசர் எனும் பகுதியில் உள்ள கல்லூரி மனைவி ஒருவரை 5 பேர் கொண்ட கும்பல் அடித்து துன்புறுத்தி பாலியல் பலாத்காரம் செய்துள்ளது. இது குறித்து போலீஸாருக்கு தகவல் அளிக்கப்பட்டதை அடுத்து இந்த சம்பவத்தில் தொடர்புடைய 4 பேர் கைது செய்யப்பட்டுள்ளனர். மேலும், ஒரு ஆட்டோ ஓட்டுநர் குறித்து தேடுதல் பணி நடைபெறுகிறது. கைது செய்யப்பட்ட நால்வரிடமும் தொடர்ந்து இது குறித்த விசாரணைகள் நடைபெற்று வருகிறது.