சென்னை வானிலை ஆய்வு மையம் தகவல் …!ஓரிரு இடங்களில் தென் தமிழகத்தில் கனமழை வாய்ப்பு…!
சென்னை வானிலை ஆய்வு மையம் தென் தமிழகத்தில் ஓரிரு இடங்களில் கனமழை பெய்ய வாய்ப்புள்ளதாக தெரிவித்துள்ளது.
சென்னை நுங்கம்பாக்கத்தில் இன்று (வெள்ளிக்கிழமை) செய்தியாளர்களிடம் பேசிய சென்னை வானிலை ஆய்வு மைய இயக்குநர் பாலச்சந்திரன், “தென் தமிழகத்தில் ஓரிரு இடங்களில் கனமழை பெய்ய வாய்ப்புள்ளது. மாலத்தீவு, குமரி கடலில் குறைந்த காற்றழுத்தத் தாழ்வு நிலை நிலவி வருகிறது.
கடந்த 24 மணிநேரத்தில் வட மற்றும் தென் தமிழகத்தில் ஒரு சில இடங்களில் கோடை மழை பெய்துள்ளது. அடுத்த 24 மணிநேரத்தில் தென் தமிழகத்தில் ஒருசில இடங்களிலும் வட தமிழகத்தில் உள் மாவட்டங்களிலும் மழைக்கு வாய்ப்புள்ளது.
வெப்பச்சலனம் காராணமாக தமிழகம், புதுச்சேரியில் மழை பெய்ய வாய்ப்புள்ளது. சென்னையில் வானம் மேகமூட்டத்துடன் காணப்படும்” என பாலச்சந்திரன் தெரிவித்தார்.
மேலும் செய்திகளுக்கு தினச்சுவடுடன் இணைந்திருங்கள்.
