அமேசான் தலைமை நிர்வாக அதிகாரி பொறுப்பில் இருந்து விலகும் ஜெஃப் பெசோஸ் – காரணம் என்ன தெரியுமா?

அமேசான் நிறுவனத்தின் தலைமை நிர்வாக அதிகாரியாக இருந்த ஜெஃப் பெசோஸ் அவர்கள் தற்போது தலைமை செயல் அதிகாரி பொறுப்பை ராஜினாமா செய்துள்ளார்.

உலகின் மிகப்பெரிய நிறுவனமாக விளங்கும் அமேசான் நிறுவனத்தின் தலைமை நிர்வாக அதிகாரியாக பதவி வகித்து வந்தவர் தான் ஜெஃப் பெசோஸ். 1994 ஆம் ஆண்டு பெசோஸால் நிறுவப்பட்டது தான் அமேசான் நிறுவனம். 27 ஆண்டுகளுக்கு முன்பு தொடங்கப்பட்ட இந்த அமேசான் நிறுவனம் இவ்வளவு பெரிய நிறுவனமாக வளர்ந்து 13 லட்சம் பேருக்கு வேலைவாய்ப்புகளை கொடுத்துள்ள நிலையில், தான் இந்த நிர்வாகத்தின் தலைமை அதிகாரி எனும் பதவியிலிருந்து விலகப்போவதாக பெசோஸ் அவர்கள் தெரிவித்துள்ளார். இவரது இந்த அறிவிப்பு பலருக்கும் அதிர்ச்சியை ஏற்படுத்தியுள்ளது. ஆனால் தான் முற்றிலுமாக விலகப் போவதில்லை எனவும், தலைமை நிர்வாகி எனும் பதவியிலிருந்து விலகி தொடர்ந்து நிர்வாகத் தலைவராக இருக்க போவதாகவும் அவர் தெரிவித்துள்ளார்.

இவ்வளவு நன்றாக இயங்கி வரக்கூடிய அமேசான் நிறுவனத்தின் வெற்றிக்கு தூணாக இருந்த இவர் ஏன் திடீரென இந்த பதவியில் இருந்து விலகுகிறார் என அனைவருக்குமே ஆச்சரியமாக இருக்கும். அதற்கு காரணம் என்ன என்பது குறித்தும் அவர் கூறியுள்ளார். அதாவது அமேசானின் புதிய பரிமாணத்திற்க்கான ஆரம்ப முயற்சிகள் சிலவற்றில் அவர் கவனம் செலுத்தப் போவதாகவும், இதனால்தான் தான் அந்த முடிவை எடுத்துள்ளதாகவும் ஒரு கடிதத்தின் மூலம் அவர் தெரிவித்துள்ளார்.

மேலும் அமேசான் என்றால் என்ன என்றே தெரியாமல் இருந்தவர்களுக்கு தற்பொழுது மிகவும் நன்றாகவே தெரிந்து விட்டது. இது தான் தனது வெற்றி எனவும் தெரிவித்துள்ளார். இதுவரை இவர் பதவி வகித்து வந்த தலைமை நிர்வாக அதிகாரி பதவியில் 52 வயதான ஆண்டி ஜாஸி எனும் அமேசான் நிறுவனத்தின் வெப் சர்வீசஸ் தலைவர் இனி பதவி ஏற்று நடத்துவார் எனவும் தகவல் வெளியாகியுள்ளது.