ரெனோ க்விட்(reno quid) காரின் சிறப்பு சலுகை..!!வாடிக்கையாளர்களை கவரும் திட்டம்…!!

ரெனோ க்விட் காருக்கு மற்ற கார்களைக் காட்டிலும் 4 ஆண்டுகள் வாரண்டி வழங்கும் திட்டம் அறிமுகம் செய்யப்பட்டுள்ளது. குறைந்த பட்ஜெட் மார்க்கெட்டில் ரெனோ க்விட் கார் மிகச் சிறந்த தேர்வாக இருக்கிறது. இதுவரை 2.2 லட்சம் ரெனோ க்விட் கார்கள் விற்பனை செய்யப்பட்டுள்ளன.

வாடிக்கையாளர்களை கவரும் விதத்தில், ரெனோ க்விட் காருக்கு 4 ஆண்டுகள் வரை வாரண்டி வழங்கும் திட்டத்தை  அறிவித்துள்ளது. இதன்படி, முதல் இரண்டு ஆண்டுகள் அல்லது 50,000 கிமீ வரைக்குமான ஸ்டான்டர்டு வாரண்டி திட்டத்தையும், தொடர்ந்து அடுத்த 50,000 கிமீ அல்லது இரண்டு ஆண்டுகளுக்கான நீட்டிக்கப்பட்ட வாரண்டி திட்டத்தையும் அறிவித்துள்ளது.

இந்த ரக கார்களில் முதலாவது மாடலாக அதிகபட்சமாக 4 ஆண்டுகள் வாரண்டி திட்டத்துடன் வரும் முதல் மாடலாக ரெனோ க்விட் கார் குறிப்பிடப்படுகிறது. இந்த திட்டம் வாடிக்கையாளர்களை வெகுவாக கவரும் என்று எதிர்பார்க்கப்படுகிறது.

இந்த வாரண்டி திட்டம் 800சிசி மற்றும் 1.0 லிட்டர் எஞ்சின் மாடல்களுக்கு பொருந்தும். இந்த வாரண்டி திட்டத்துடன் சாலை அவசர உதவி திட்டத்தையும் ரெனோ கார் நிறுவனம் வழங்குகிறது.