IPL 2018:சிஎஸ்கே வீரர்கள் ஒகே ..!கேகேஆர் வீரர்கள் ஓகே …!ஆனா அம்பையர் எங்கே? மைதானத்தில் அம்பையரை காணுமாம்…!எங்க விட்டுட்டு வந்தாங்க?

சென்னை மற்றும் கொல்கத்தா அணிகளின்  பதற்றத்தின் நடுவே  டாஸ் போட அம்பயர் வராததால், போட்டி தொடங்குவதில் தாமதம் ஏற்பட்டது.

இன்று போராட்டத்தின் ஒரு பகுதியாக ஐபிஎல் போட்டிக்கு எதிர்ப்பு தெரிவித்து சேப்பாக்கம் கிரிக்கெட் மைதானத்தின் கதவை இழுத்து பூட்டு போட்டு தமிழக வாழ்வுரிமை கட்சியினர் போராட்டத்தில் ஈடுபட்டனர். அவர்களை போலீசார் கைது செய்தனர்.

தற்போது சென்னை அண்ணா சாலையில் ஐபிஎல் கிரிக்கெட் போட்டிக்கு எதிராக தமிழக வாழ்வுரிமை கட்சியினர் போராட்டம் நடத்தி சாலை மறியலில் ஈடுபட்டனர். அவர்களை கைது செய்து வருகின்றனர். மேலும் ஐபிஎல் டிக்கெட்களை எரித்து போராட்டம் நடத்தி வருகின்றனர்.

அதேபோல விடுதலை சிறுத்தை கட்சியினர் திருவல்லிக்கேணியில் இருந்து சேப்பாக்கம் மைதானத்திற்கு பேரணியாக சென்று முற்றுகையிட முயற்சி செய்தனர். ஆனால் அவர்களை வழியிலேயே கைது செய்தனர் போலீசார்.

இதனால் ஐ.பி.எல் போட்டிக்கு எதிர்ப்பு தெரிவித்து தொடர் போராட்டங்கள் காரணமாக மைதானத்திற்கு 4 மணிக்கு வரவேண்டிய கிரிக்கெட் வீரர்கள் 6 மணிக்கு வந்தடைந்தனர். சென்னை அணி வீரர்கள் பலத்த போலீஸ் பாதுகாப்புடன் கிரவுன் பிளாசா நட்சத்திர ஓட்டலில் இருந்து சேப்பாக்கம் மைதானத்திற்கு பின்வாசல் வழியாக  புறப்படனர். இந்நிலையில் சென்னையில் நடக்கும் தொடர் போராட்டங்கள் காரணமாக சி.எஸ்.கே வீரர்கள் மைதானத்திற்கு புறப்படுவதில் தாமதம் ஏற்பட்டது.

பின்னர்  சென்னை சேப்பாக்கம் மைதானத்தில் சென்னை அணி வீரர்கள் பயிற்சியை தொடங்கினர். இதேபோல் கொல்கத்தா அணி வீரர்களும் சேப்பாக்கம் மைதானத்துக்கு வந்தனர்.பின்னர் இரு அணி வீரர்களும் பயிற்சியில் ஈடுபட்டனர்.

கொல்கத்தா அணி தாமதமாக வந்ததால் ஆட்டம் தொடங்குவதில் தாமதம் ஆனது.அனால் இந்த பதற்றத்தின் நடுவே  டாஸ் போட அம்பயர் வராததால், போட்டி தொடங்குவதில் தாமதம் ஏற்பட்டது. அம்பயர் நிலை குறித்து தெரியாததால் சேப்பாக்கம் மைதானத்தில் பரபரப்பு ஏற்பட்டது.விளையாட்டை நடத்தக்கூடிய அதிகாரிகள் யாரும் மைதானத்தில் இல்லாததால், போட்டி தொடங்குவதில் சிக்கல் நீடித்தது .பின்னர் ஒருவழியாக சரியாக O7.43 மணிக்கு மேல் டாஸ் போட்டனர்.இதில் டாஸ் வென்ற சென்னை அணி கேப்டன் பந்துவீச்சை தேர்வு செய்தார்.

மேலும் செய்திகளுக்கு தினச்சுவடுடன் இணைந்திருங்கள்.