“சும்மா செய்றோம்” வலிமை அப்டேட் கொடுத்த யுவன்….!

வலிமை படத்தின் பின்னணி இசை பணி தொடங்கியுள்ளது என்று இசையமைப்பாளர்யுவன் சங்கர் ராஜா தனது இன்ஸ்டா கிராம் பக்கத்தில் தெரிவித்துள்ளார்.

இயக்குனர் எச் வினோத் இயக்கத்தில் நடிகர் அஜித் தற்போது நடித்து வரும் திரைப்படம் வலிமை. இந்த படத்தை போனி கபூர் தயாரிக்கிறார். இந்த படத்தில் நடிகர் அஜித் போலீஸ் அதிகாரியாக நடித்துள்ளார். மேலும் இந்த படத்தில் அஜித்திற்கு ஜோடியாக ஹூமா குரேஷூ நாயகியாகவும் ,கார்த்திகேயா வில்லனாகவும் நடித்துள்ளார். மேலும் யோகி பாபு,பேர்லி மன்னி உள்ளிட பலர் நடிக்கின்றனர் . யுவன் சங்கர் ராஜா இசையமைத்துள்ள இந்த படத்தின் சண்டைக் காட்சிகள் மற்றும் ரேஸ் காட்சிகள் ஏற்கனவே படமாக்கப்பட்டதாக கூறப்பட்டது .

மேலும் இந்த வலிமை படத்தின் டைட்டில் அறிவிக்கப்பட்டதிலிருந்து ஒரு அப்டேட் கூட வெளி வராததால் ரசிகர்கள் சோகத்தில் உள்ளனர் .மேலும் பலர் அப்டேட் கேட்டு சமூக வலைத்தளங்களில் கேள்வியும் எழுப்பி வருகின்றனர்.

இந்த நிலையில் தற்போது வலிமை படத்தின் அப்டேட் ஒன்றை படத்தின் இசையமைப்பாளர் யுவன் சங்கர் ராஜா தனது இன்ஸ்டாகிராம் பக்கத்தில் பகிர்ந்துள்ளார். அதாவது வலிமை படத்திற்கான பின்னணி இசை தொடங்கியுள்ளதாக குறிப்பிட்டு அவரது புகைப்படம் ஒன்றை பகிர்ந்துள்ளார். இந்த அறிவிப்பால் தற்போது ரசிகர்கள் சற்று உற்சாகத்தில் உள்ளார்கள்.

 

View this post on Instagram

 

A post shared by U1 (@itsyuvan)