இந்தியாவில் மும்பை, கொச்சி ஆகிய இடங்களை தொடர்ந்து சென்னையில் தோஹா வங்கி..!

தோஹா வங்கியின் மூன்றாவது கிளை இந்தியாவில் மும்பை, கொச்சி ஆகிய இடங்களை தொடர்ந்து  சென்னையில் நேற்று  திறந்து வைக்கப்பட்டது. 

இது தொடர்பான நிகழ்ச்சி சென்னை எம்.ஆர்.சி நகரில் உள்ள தனியார் ஹோட்டலில் நடைபெற்றது. இதில் தோஹா வங்கியின் தலைமைச் செயல் அதிகாரி சீதாராமன் உள்ளிட்ட ஏராளமான நிர்வாகிகள் கலந்து கொண்டனர்.

கத்தார் நாட்டின் மிகப்பெரிய தனியார் வணிக வங்கிகளில் தோஹா வங்கியும் ஒன்றானதாகும். இந்திய வாடிக்கையாளர்களின் தேவையை கருத்தில் கொண்டு அவர்களுக்கு உதவும் விதமாக பல்வேறு சேவைகளை வழங்குவதற்காக சென்னை கிளை திறக்கப்பட்டுள்ளாதாக வங்கியின் தலைமைச் செயல் அதிகாரி சீதாராமன் தெரிவித்தார்.

பின்னர் செய்தியாளர்களை சந்தித்து பேசும் போது இந்தியா மற்றும் கத்தார் இடையே உலகளாவிய ஒருங்கிணைப்புகளை மேம்படுத்த உதவும் என தெரிவித்தார். மேலும் மற்ற வங்கிகளை போல அல்லாமல் மக்களுக்கு நலன் அளிக்கும் வகையில் இந்த வங்கி செயல்படும் எனவும், மற்ற வங்கிகளை விட வட்டிவிகிதம் குறைத்து வழங்குதே தங்கள் வங்கியின் சிறப்பம்சம் எனவும் தலைமைச் செயல் அதிகாரி சீதாராமன் தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.