திமுக சார்பில் நேற்று சுசீந்திரத்தில் ஆர்பாட்டம் ..,

திமுக மற்றும் அதன் கூட்டணி கட்சிகள் சார்பில் சுசீந்திரம் தபால் நிலையம் முன்பு காவிரி மேலாண்மை வாரியம் அமைக்க கோரியும், உச்சநீதிமன்ற தீர்ப்பை அமல்படுத்தாத மத்திய அரசை கண்டித்தும், அதற்கு உரிய அழுத்தம் கொடுக்காத மாநில அரசை கண்டித்தும் நேற்று ஆர்ப்பாட்டம் நடைபெற்றது. திமுக அகஸ்தீஸ்வரம் தெற்கு ஒன்றிய செயலாளர் தாமரைபாரதி தலைமை வகித்தார். திமுக குமரி கிழக்கு மாவட்ட செயலாளர் சுரேஷ்ராஜன் எம்.எல்.ஏ ஆர்ப்பாட்டத்தை தொடங்கி வைத்து பேசினார்.அவர் கூறியதாவது காவிரி மேலாண்மை வாரியம் அமைக்க வேண்டும் என்று கடந்த பிப்ரவரி மாதம் 16ம் தேதி உச்சநீதிமன்றம் தீர்ப்பு வழங்கியது. ஆனால் இதுவரை காவிரி மேலாண்மை வாரியம் அமைக்கப்படவில்லை. இதனை கண்டித்து திமுக செயல் தலைவர் மு.க.ஸ்டாலின் விடுத்த கட்டளைப்படி தமிழ்நாடு முழுவதும் போராட்டங்கள் நடைபெற்று வருகின்றது. அதன் ஒரு பகுதியாக சுசீந்திரத்தில் இந்த ஆர்ப்பாட்டம் நடைபெறுகிறது. வரும் 5ம் தேதி மாபெரும் முழு அடைப்பு போராட்டம் தமிழகம் முழுவதும் நடைபெற உள்ளது. மத்திய அரசு கர்நாடக தேர்தலை காரணம் காட்டாமல் உடனடியாக காவிரி மேலாண்மை வாரியம் அமைக்க நடவடிக்கை எடுக்க வேண்டும். காவிரி மேலாண்மை வாரியம் அமைக்க உரிய அழுத்தம் கொடுக்காத அதிமுகவினர் தற்போதுஉண்ணாவிரதம் இருப்பது விந்தையாக உள்ளது. இவ்வாறு அவர் கூறினார்.