ஆக்ஸ்போர்டு தடுப்பூசி.. 2 டோஸுக்கு ரூ.1,000.. ஆதார் பூனவல்லா..!

ஆக்ஸ்போர்டு தடுப்பூசி, பிப்ரவரி-க்குள் சுகாதாரப் பணியாளர்களுக்குக் கிடைக்கும் என்று ஆதார் பூனவல்லா தெரிவித்தார்.

இந்துஸ்தான் டைம்ஸ் தலைமை உச்சி மாநாட்டில் பேசிய சீரம் இன்ஸ்டிடியூட் ஆப் இந்தியா தலைமை நிர்வாக அதிகாரி ஆதார் பூனவல்லா,  ஆக்ஸ்போர்டு கொரோனா தடுப்பூசி 2021 பிப்ரவரி மாதத்திற்குள் இந்தியாவில் சுகாதாரப் பணியாளர்கள் மற்றும் வயதானவர்களுக்கு கிடைக்கக்கூடும் என்று தெரிவித்துள்ளார். ஏப்ரல் மாதத்திற்குள் பொது மக்களுக்கு தடுப்பூசி போடலாம் என்று அவர் கூறினார். இந்த தடுப்பூசிக்கு அதிகபட்சமாக ரூ .1,000 விலை இருக்கும் என தெரிவித்தார்.

தடுப்பூசியின் விலை குறித்து பேசிய அவர், ஒரு டோஸுக்கு 5-6 அமெரிக்க டாலர் வரை இருக்கும், இரண்டு டோஸ்களுக்கும் சுமார் 1,000 ரூபாய் இருக்கும். அரசாங்கம் ஒரு பெரிய அளவை வாங்குவதால் அதன் விலை மலிவாகப் பெற முடியும் என்று அவர் கூறினார். “நாங்கள் இன்று சந்தையில் உள்ள மற்ற தடுப்பூசிகளை விட மிகவும் மலிவான விலையில் விலை நிர்ணயம் செய்கிறோம்” என்று பூனவல்லா கூறினார்.

அநேகமாக 2024-க்குள் ஒவ்வொரு இந்தியருக்கும் தடுப்பூசி போடப்படும் என்று அவர்  கூறினார். “ஒவ்வொரு இந்தியருக்கும் தடுப்பூசி போட இரண்டு அல்லது மூன்று ஆண்டுகள் ஆகும். இரண்டு டோஸ் தடுப்பூசி எடுக்க விரும்பினால் அனைவருக்கும் 2024-ஆண்டு ஆகும் என்று பூனவல்லா கூறினார்.

கட்டம் 3 சோதனையின் இறுதி ஆய்வில் தங்களது கொரோனா தடுப்பூசி 95 சதவீதம் பயனுள்ளதாக இருப்பதாக ஃபைசர் மற்றும் மாடர்னா அதன் தடுப்பூசி 94.5 சதவீதம் பயனுள்ளதாக இருப்பதாக கூறியுள்ளனர்.