விண்ணை முட்டும் அளவுக்கு உயர்ந்த பெட்ரோல் ,டீசல் விலை …!

4 ஆண்டுகளில் இல்லாத அளவுக்கு முன்னெப்போதும் இல்லாத வகையில் டீசல் விலை உயர்வை சந்தித்துள்ளது, பெட்ரோல் விலையும்  உயர்ந்துள்ளது.

சென்னையில் இன்று ஒரு லிட்டர் பெட்ரோல் 76 ரூபாய் 59 காசுகளுக்கு விற்பனை செய்யப்படுகிறது. டீசல் விலை லிட்டருக்கு 68 ரூபாய் 24 காசுகளுக்கு விற்கப்படுகிறது. சர்வதேச சந்தையில் கச்சா எண்ணெய் விலை உயர்வுக்கு ஏற்ப எண்ணெய் நிறுவனங்களே பெட்ரோல், டீசல் விலையை மாற்றியமைத்து வருகின்றன.

2012 முதல் 2016 வரையிலும் சர்வதேச சந்தையில் கச்சா எண்ணெய் விலை குறைந்த போது பெட்ரோல் மீதான கலால் வரி 11 ரூபாய் 77 பைசாவும், டீசல் மீதான கலால் வரி 13 ரூபாய் 47 பைசாவும் உயர்த்தப்பட்டது.

இந்நிலையில் கச்சா எண்ணெய் விலை மீண்டும் உயரத்தொடங்கிய நிலையில் கடந்த 2017ம் ஆண்டு அக்டோபர் மாதத்தில்  பெட்ரோல் மற்றும் டீசல் மீதான கலால் வரி 2 ரூபாய் குறைக்கப்பட்டது. தற்போது விலை கடுமையாக உயர்ந்து வரும் நிலையில், கலால் வரியைக் குறைக்க மத்திய அரசு நடவடிக்கை எடுக்குமா என்ற எதிர்பார்ப்பு எழுந்துள்ளது.

மேலும் செய்திகளுக்கு தினச்சுவடுடன் இணைந்திருங்கள்.